ئەندامەکا پەرلەمانێ کوردستانێ ئاشکراکر، مەترسی ل سەر ژناڤچوونا مەسیحییان ل ئیراقێ ھەیە و ھاتنا پاپایێ ڤاتیکانێ سه‌ره‌دانه‌كا گرنگ بوو.
روبینا تییاری، ئەنداما پەرلەمانێ کوردستانێ ژ فراکسیۆنا ھاڤپەیمانییا یەکتیی یا نەتەوەیی بۆ خانی نیوز دیارکر، سەره‌دانا پاپایێ ڤاتیکانێ بۆ ئیراقێ و هه‌رێما کوردستانێ د دەمەکێ گەنجای دا بوو و دێ ئەنجامێن خوه ھەبن و سەره‌دانه‌كا گرنگ بوو بۆ مەسیحییان و ئەڤە پاپایێ 226 بوویە و ئێکەم جارە پاپا سەره‌دانا ڤی وەلاتی بکەن.
روبینا تەیاری گۆت، ل دووڤ داخازا کوردستانێ پاپای سەره‌دانا ئیراقێ کر ژبه‌ر كو ل مه‌ها شواتا سالا بوورى مەسرور بارزانی سەردانا ڤاتیکانێ کربوو و داخاز ژ پاپای کر کو سەره‌دانا کوردستانێ بكه‌ت و پێکڤەژیانا کوردستانێ ب چاڤێن خۆ ببینیت و ل کوردستانێ و ئیراقی جوداھیەکا مەزن یا هه‌ى و ل ئیراقێ مەسیحی ھاتینە کوشتن و ل کوردستانێ پێکڤە ژیان ھەیە.
ئەنداما پەرلەمانى دیاركر: ل ئیراقێ ملیۆنەک و 500 هزار مەسیحی ھەبوون لێ نوکە ب تنێ 350 هزار وەلاتی ماینە و بەر ب نەمانێ ڤە دچیت.
روبینا تییاری گۆت ژى، کوردستانێ ل سالا 2014 مەسیحی حەواندن ژ تیرۆرستێن داعشێ و پتر ژ 200 پێشمه‌رگه بووینە قوربانی پێخەمەت پاراستنا مەسیحییان و ھەر جھەکێ پێشمەرگە لێ نەبیت مەسیحییان باوەری ب وی جھی نەمایە ژبه‌ركو تەناھی و ئارامی ل وی جھی نابیت یێ پێشمەرگە لێ نەبیت.
