ریڤینگ هرورى: په‌كه‌كه‌ كردارێن رژێما به‌عس و داعشێ دووباره‌ دكه‌ت

سه‌رۆكێ لێژنا پێشمه‌رگه‌ى ل‌ په‌رله‌مانێ کوردستانێ بۆ خانى نیوز رادگەهینیت، کێشەیا ئەو مین و بۆمبێن پارتا کرێکارێن کوردستانێ (پەکەکە) داناینه‌، و هه‌موو هوویركارى و كێشێن په‌كه‌كێ و توركا و ئیرانێ و هێزێن وان مه‌ كرییه‌ روونشتنه‌كا تایبه‌ت ل سه‌ر ڤان كێشان هاتییه‌ كرن.
رێڤینگ هروری، ئاماژه‌ ب هندێ ژى دا كو زیانڤێكه‌ڤتى و پێشنیارێن خوه‌ مه‌ داینه‌ سه‌رۆكایه‌تییا په‌رله‌مانى و وان ژى داینه‌ جهێن په‌یوه‌ندیدار.
رێڤینگ هروری سه‌رۆكێ لژنا پێشمه‌رگه‌ى ل‌ په‌رله‌مانێ کوردستانێ دیاركرییه‌ كو چه‌كدارێن په‌كه‌كێ وه‌كى رژێما به‌عس و داعشێ هه‌مان كریارێ دووباره‌ دكه‌ن، و ب تایبه‌ت هه‌لمه‌تا به‌رفره‌ها كریارێن چاندنا مینان ل هه‌موو سنورێ هه‌رێما كوردستانێ و به‌رامبه‌رى ڤێ چه‌ندێ خه‌لكێ سڤیل دبنه‌ قوربانى. هه‌روه‌سا داخواز ژ په‌كه‌كێ كرییه‌ كو هه‌ر جهه‌كێ ئه‌وا مین داناینێ به‌رى بوهار بهێت دڤێت ئه‌و مینه‌ بهێنه‌ راكرن.
هرورى، ئاشكرا ژى كر كو مه‌ چ هیڤى ب وان نینه‌ كو ئه‌و وان مینان راكه‌ن، چونكى هێزه‌كه‌ ل چیایه‌ و ده‌ستهه‌لات د ده‌ستێ واندایه‌، ئه‌و پیگیرێ ب یاسا و په‌یمانێن شه‌رى و ناڤده‌وله‌تى نینن یان یێن مافێن مرۆڤان، ئه‌م داخواز دكه‌ین ب زوو ترین ده‌م ئه‌و مینه‌ بهێنه‌ راكرن.

خانى نیوز، چنار ئه‌حمه‌د