مەحما خەلیل، قایمقامێ قەزا شنگالێ تایبەت ب خانی نیوز ڕاگەهاند: ل درەنگی شەڤا شەمبیێ 13-3-2021 هەتا نێزیکی بەری سپێدەهییا ئەڤرۆ ئێکشەمبی شەر دناڤبەرا دوو گڕۆپان دا ل شنگالێ روودایە و هەتا نوکە ئەنجامێن وی شەری دیار نینن.
مەحما خەلیل ڕاگەهاند ژی، ئەو شەرێ هاتییە روودان د ناڤبەرا پارتا کرێکارێن کوردستانێ پهكهكێ و میلیشیایێن حەشدا شەعبی بوویە، و گۆت ژی ل دووف زانیاریێن وان ئەو شەرێ هاتییەکرن ژبەر بازڕگانی کرنێیە ب تشتێن قەدەغەکری ل دەڤەرێ.
هەر ئەڤرۆ ئێکشەمی، فەرماندەیێ ئۆپەراسیونێن هەڤبەش یێن ئیراقێ د بەیاننامەیەکێ دا ڕاگەهاند: هەولێن هاتنا گڕۆپەکێ تیرۆریستی ل سووریێ بەرەف شنگالێ ل پارێزگەها نەینەوا ژناڤبر و ئاماژە ب هندێ ژی دا کو د ئەنجامێ وی شەری دا سەربازەکێ وان هاتییە کوشتن.
