هه‌وه‌كا دارچاندنێ ل شێلادزێ هاته‌ ئه‌نجامدان

وارشین بەرواری رێڤەبەرێ ناحیا شێلادزێ بو خانی نیوز گۆت: ئەڤرۆ رێکەفتی ١٤/٣/٢٠٢١ رێڤەبەرییا ناحیا شێلادزێ و دگەل باژێرڤانییا شێلادزێ ب هەڤکارییا رێکخراوا هەناسە پلاس و رێڤەبەرییا پاراستنا دارستان و پاوان دهۆك ب بەرهەڤبوونا قایمقامێ قەزا ئامێدیێ و بەرپرسێ لقا ۱٨ یا پارتییا دیموکراتا کوردستانێ، ب هەلکەفتا بیرەوەریێن ئادارێ و ژدایك بوونا بارزانیێ نەمر چەندین شتلێن داران هاتنە چاندن ئارمانج ژێ ئەوە کو چەندین سالە بزاڤێن تێکدانا ژینگەها کوردستانێ دهێتە دان ژ ئەگەرێن جۆرا و جۆر ئەفڤجا دخوازین وێ ژینگەهێ شینکەینەڤە و ب پارێزین، ژبۆ جوانکرن و زێدەکرنا رێژا کەسکاتی و پەیداکرنا ژینگەهەکا ساخلەم د ناڤ باژێرێ شێلادزێ دا.

شەوان یوسف عەلی بەرپرسێ رێخراوا هەناسە پلاس یا پاراستنا ژینگەها کوردستانێ بۆ خانی نیوز دا دیارکرن، کو مەرەم ژڤێ هەوا دارچاندنێ هەلکەفتا رۆژا ژ دایك بوونا بارزانیێ نەمر کو د رۆژەکا وەکو ئەڤرۆدا ژدایك بوویە ئه‌و ژى رابووینە ب کەسكکرنا جۆتسایدێ د ناڤبەرا سیریێ و شێلادزێ و دێرەلۆکێ، مەرەم ژ ڤی كاری ئەوە خەمل و جوانی و ژینگەهەکا ساخلەم و جوانتر ب دەتە باژێرێ‌ شێلادزێ، ئەڤ چالاکییە درێژەپێدەرێن چالاکیێن مە یێن بەرێ بوون، و ئەڤ چالاکییە دێ دبەردەوامبن بۆ خزمەتکرن و پێشخستنا ژینگەها کوردستانێ.

خانی نیوز، ئێقبال عومەر