یانه‌یا زاخۆ پشتى 37 رۆژان د خولا نایابا ئیراقێ دا سه‌ركه‌فتن تۆمار كر، یانه‌یا زاخۆ ل یاریگه‌ها خوه ب دوو گۆلان بەرامبەر گۆله‌كێ سه‌ركه‌فتن ل سه‌ر یانه‌یا تەلەبە تۆمار كر.
یانه‌یا زاخۆ پشتى دوو خوساره‌تیێن ل سەر ئێک، ئەڤرۆ ل یاریگه‌ها خوه و ل گەرا 24 یا وێ خولێ مێهڤاندارییا یانه‌یا تەلەبە كر.
ل خولەکا 39 زیاد ئەحمەدى گوله‌ك بۆ یانه‌یا زاخۆ تۆمار كر، ل نیڤا دوویێ دادڤانێ یاریێ په‌نالتییه‌ك بۆ ته‌له‌به هژمارت و محەمەد جەفالى گوله‌ك بۆ ته‌له‌به تۆمار كر.
ل خولەکا 69 یاریزانێن زاخۆ مفا ژ ته‌په‌كا جێگیر وه‌رگرت و هیلیۆ مۆنتێرۆیێ بەرازیلی شییا گۆلا دوویێ بۆ زاخۆ تۆمار بكه‌ت و ب ڤى ئه‌نجاى زاخۆ سه‌ركه‌فتنه‌كا گرنگ د یاریگه‌ها خوه دا تۆمار كر و سه‌رجه‌مێ خالێن خوه گه‌هاندنه 34 خالان.
