په‌ترۆلا ئیراقێ: هه‌ولێر و به‌غدا ل دۆر په‌ترۆلێ ژ رێككه‌فتنێ نزیكن

وەزارەتا په‌ترۆلا ئیراقێ راگه‌هاند: لێکتێگەهشتنه‌ك هەیە د ناڤبه‌را  حکومەتا ناڤەندی و هەرێما کوردستانێ ده‌ربارەی‌ رێژه‌یا بەرهەمئینانا په‌ترۆلێ و پشكا بودجەیا هەرێما کوردستانێ.

حامد یونس زوبەیعی، بریکارێ وەزارەتا په‌ترۆلا ئیراقێ د لێدوانه‌کێ دا بۆ ئاژانسا فەرمییا ئیراقییە راگه‌هاند: هه‌تا نها حکومەتا ناڤەندى چ رێژه‌ په‌ترۆله‌كا هنارده‌كرییا هەرێما کوردستانێ وەرنەگرتییه‌. 

زوبەیعی ئاشکرا ژى کر کو لێکتێگەیشتنه‌ک هەیە د ناڤبه‌را ناڤەند و هەرێما کوردستانێ بۆ گەهشتنێ ب رێککەفتنه‌كا دوولایەنە کو خزمەتا بەرژەوەندییا وه‌ڵاتى ب شێوەیەکێ گشتی بکه‌ت.