گەنجەك د چیایێ هلورا دا كه‌ڤت

ئەڤرۆ چەند گەنجێن كۆمەلگەها سیریێ یا سەر ب ناحیا شێلادزێ ڤە ب مەرەما پانجارێ گیایێ بهارێ سەرەدانا چیایێ هلوران ل ده‌ڤەرا زێبار کربوو، بەلێ گەنجەك ژچیای كه‌ڤت و ب گرانی بریندار بوو.
مێهڤان عەلی ئێك ژ کەسوکارێن وی گەنجییە بۆ خانی نیوز گۆت: ئەڤرو چەند گەنجەکێن کۆمەلگەها سیریێ یا سەر ب ناحیا شێلادزێ ڤە ب مەرەما پانجارێ گیایێ بهارێ سەرەدانا چیایێ هلورا ل دەڤەرا زێبارکربوو ، بەلێ مخابن ئێك ژ وان گەنجان یێ ب ناڤێ ئەیهەم عەبدولعەزیز رێکانی کو د ژیێ ۱٦ سالیێ دایە ل دەمژمێر 11 بەری نیڤرۆ د لاتەکا چیای دا كه‌ڤت و دەمژمێر 4ى ئێڤاری دگەهننە نەخۆشخانی ژبەرکو رێك گەلەکا دور و ئاسێ بوو، لەورا گەلەك گیرۆبوو تاکو گەهاندییە نەخۆشخانا شێلادزێ.

زێدەتر گۆت: کەفتنا وی گەنجی بۆ وێ یەکێ ڤەدگه‌ریت کو چانتێ خوە ژ پرکرنا گیایێ ئاکو سترێ گرانکربوو، لەورا نەشیا ل لاتا چیای را دەرباز ببیت بوو ئەگه‌رێ کەفتنا وی، سوپاس بۆ خودێ کو رەوشا وی نها زۆرا باشە و ل نەخۆشخانا ئامێدیێ چارەسەرییا وی دهێتەکرن.