دەستەیا وەبەرهێنانا ئیراقێ ڕادگەهینیت، نزیکەی دووهزار پڕۆژەیێن وەهمی یێن وەبەرهێنانێ ل ئیراقێدا هەنه و مۆڵه‌ت و ئه‌ردێ زۆر بۆ پڕۆژان هاتییه دان و نه‌هاتینه جێبه‌جێكرن.
سوها نەجاڕ، سەرۆکا دەستەیا وەبەرهێنانا ئیراقێ ب میدیای فەرمی ئیراقی ڕاگەهاند: ل ئیراقێ هزار و 770 پڕۆژەیێن وەهمی یێن وەبەرهێنانێ هەنە و ب تنێ 500 پڕۆژە تەواوبووینە.
جەخت کرییه ژى، كو مۆڵەتا زۆر و ئه‌ردى زۆر ب ناڤێ پڕۆژەیێن وەبەرهێنانێ هاتینه دان، بەلێ زۆربه‌یا وان د وەهمی بوونه و کاری نه‌یاسایی تێدایە، هه‌تاكو نوكه ژى هزار و 500 پڕۆژە مۆڵەت بۆ هاتییه دان، به‌لێ گه‌له‌ك پرۆژه هه‌بوونا وان د واقیعدا نینە و وەهمینه، 970 پڕۆژە هەنه ڕێژەیا جێبەجێکرنا وان سفڕە و ب وەهمی دهێنه هژمارتن، ب تنێ 500 پڕۆژە ب دووماهى هاتینه.
