سەرۆکا لژنا نافچەیێن کوردستانی ل دەرڤەیی ئیدارەیا هەرێمێ ل پەرلەمانێ کوردستانێ ددەتە خویاکرن، ئەوان چەندین جاران کۆمبوون، ل گەل وەڤدێ دانووستاندنکارا حکومەتا هەرێما کوردستانێ ل سەر ڕەوشا وان ناوچەیان کرینە ژبۆ چارەسەرییەکێ ل ڤان ناوچان.
جوان رۆژبەیانی، بۆ خانی نیوز گۆت: ئەوان داخواز کرییە ڕەوشا ڤان ناڤچەییان ئاسایی ببیت، بەڵی مخابن رەوشا ڤان دەڤەران رۆژ ب رۆژ خراپتر لێ دهێت و عەرەبێن هاوردە دئێننە ڤان ناڤچەیان و حکومەتا هەرێمێ پشتەڤانە بۆ هەموو جۆرە دانووستاندنەک ل دۆر ڕەوشا ڤان ناڤچەیان بەلی مخابن حکومەتا ئیراقێ پابەند نەبووییە.
رۆژبەیانی ئاماژەدا، حکومەتا ئیراقێ خوه ژ دانووستاندنان ل سەر ڤان دەڤەرانڤەددزییت، و پێدڤییە ئەو رێککەفتنا لەشکەریی یا کو بریارە بهێتە کرن بۆ ڤان دەڤەران و لەشکەرێ ئیراقێ و هێزێن پێشمەرگەیی هەردوو پاراستنا ڤان دەڤەران بکەن.
دیار ژی کر، ئەوا ل ڤان دەڤەران ڕوویددەت نەبوونا هێزێن پێشمەرگەیە، ئەو ڤالاهییا ل وان ناڤچەیان هەی بوویە هۆکار کو هێزێن دیتر ل وان ناڤچەیان سەرهەلبدەن، و کوردنیشینێن مە هەست دکەن کو د سەلامەت نینن و هەست پێدکەن کو هیچ هێزەک نەشێت وان ب پارێزیت.
سەرۆکا لیژنا نافچەیێن کوردستانی ل دەرڤەیی ئیدارەیا هەرێمێ گۆتژی: لەشکەرێ ئیراقێ چاڤپۆشیێ دکەت و هێڕشێن داعشێ ژی ل وان ناڤچەیان د زێدەبوونێ دانە.
رۆژبەیانی ئاماژە دا، ئەو ڕێککەفتنا شنگالێ هیڤییەک بۆ خەلکێ دروستکر بەلێ مخابن ئەو ژی ناکەڤیتە د وارێ بجهـ ئینانێدا، دووبارە ژی ئەڤ حکومەتا ئیراقێ ژ ڤێ چەندێ بەرپرسییارە.
