‌ سوبه‌هى په‌رله‌مانێ كوردستانێ دێ كۆم بیت

مه‌لا ئێحسان رێكانى په‌رله‌مانتارێ كوردستانێ تایبه‌ت بۆ خانی نیوز گۆت: بریاره‌ ل سوبه‌هى سعه‌ت 11ی سپێدێ په‌رله‌مانێ كوردستانێ كۆم ببیت كۆ ئه‌ڤ كۆمبوونه‌  یا گرێدایه‌ ب ڕۆژا كێمیا بارانكرنا هه‌له‌بچه و بۆ ڤێ یه‌كێ ژى لژنه‌ك ب سه‌رۆكاتییا په‌رله‌مانی  هاتییه‌ درۆست كرن.

 په‌رله‌مانتارێ كوردستانێ، ئاماژه‌ ب هندێ دا كو ئه‌ڤ كۆمبوونه‌ ب پشكدارییا په‌رله‌مانتارێن وێ ده‌ڤه‌رێ ڤه‌ و هه‌موو په‌رله‌مانتارێن كوردستانێ داخواز كرییه‌ كو رێنڤیسه‌كێ ئاماده‌ بكه‌ن و هه‌می ئێش و ئازارێن خه‌لكێ پارێزگه‌ها هه‌له‌بجه‌ و هه‌می داخوازیێن وان تێدا بهێنه‌ نڤیسان و د ناڤا په‌رله‌مانی دا دێ گه‌نگه‌شه‌ ل سه‌ر هێته‌كرن.

ئاشكرا ژى كر، چه‌ندین په‌رله‌مانتارێن ده‌ڤه‌را به‌هدینان ژ فراكسیۆنا پارتى یاداشته‌ك پێشكێشى سه‌رۆكاتییا په‌رله‌مانى كریه‌ و داخواز كرییه‌ كو چاوا بۆ پارێزگه‌ها هه‌له‌بجه‌ هاتییه‌ دانان وه‌سا بۆ ئێش و ئازارێن  پارێزگه‌ها دهۆكێ و قه‌زا و ناحیێن وێ بهێته‌ دانان‌.

 

خانى نیوز، چنار ئه‌حمه‌د