ل دووڤ گۆتنا نۆشدارەکێ تایبەتمەند، 90% ژ نۆشدارێن کوردستانێ بۆ چارەسەریا بەکتریایەکێ ل دەف زارۆیان، ب پشکنینەکا خوینێ دەرمانان د دەنە زارۆیان و ڤێ چەندێ مەترسی دروست کرینە، لەورا کۆنفرانسەک ل سەر ڤی بابەتی ھاتییەسازکرن.
پ.د.ھیشام یوسف، شیره‌تكارێ نەخۆشیێن بەرگری و میکرۆبان بۆ خانی نیوز گۆت: ئەڤ کونفرانسە گرێدایی بوو ب بەکتریا یا (ئێچ پایلون) ڤە و ب پشکداریا چەندین نۆشدارێن تایبەتمەند دوارێ بەکتریایێ دا، ئەڤ بەکتریایە ب رێژەکا مەزن ل دەف زارۆکان پەیدا دبیت و ھەلگرێن ڤێ بەکتریایێ چ نیشانێن دیار ل دەف دیارنابن، چنکو چارەسەریا وان زارۆیان ب سێ تا چار دەرمانانە و بۆ ماوێ چار تا شەش حەفتیان و دڤێت نۆشدار گەلەک یێ ھشیار بیت.
ناڤبری گۆت: ژ بەر پەژیکا کۆرۆنایێ نەشیاین رێژەکا مەزن یا نۆشداران داخواز بکەین و لێ ژ ھەمی کوردستانێ پشکداری ھەبوو و ئەڤە وکونفرانسێ ئێکێ یە ل سەر ڤێ بەکتریایێ دھێـتەکرن و ل کوردستانێ ب رێژا 90% نۆشدار ڤێ بەکتریایێ دەست نیشان دکەن ب شێوەکێ نە دروست و دەرمانێن گران و بێ بھان دەنە زارۆکان و زارۆکان پێدڤی پێ نینە و گەلەک نۆشدار ھەنە ب پشکنیکا خوینێ ئەڤان دەرمانا دەنە زارۆیان و پێدڤی ناکەت و کارتێکرنەکا خراب ل سەر زارۆکان دکەت.
ھەمان نۆشدار گۆت ژی: ل دویماھیێ گەھشتینە وێ یه‌كێ، كو پێدڤییه دەستنیشانکرنا ڤێ بەکتریێ ب شێوەکێ دروست بھێتەکرن ب پشکنینا نازورا مەعیدەی دا كو بزانیت 100% ئەف زارۆیە ھەلگرێ ڤێ بەکتریایێ یە و پاشان دەرمان بۆ بھێنەدابینکرن.
