ل دووڤ ئاخفتنێن خەلکێ گوندێن سنورێ قهزا خهبات یێن كاكهییان، زالگههێن حهشدا شهعبی كو د ناڤبهرا گوندێن وان و گوندێن عهرهب و توركمانان هاتینه دانان، جۆره ترسهك ل دهڤ وان دروستكریه كو خهلك و گهنجێن وێ دهڤهرێ یێن كاكهیی ژ ئێمناهی و سلامهتییا خوه پشت راست نینن.
مامۆستا خهلیل كاكهیی خهلكێ گوندێ وهردهكه ل دۆر ڤێ یهكێ بۆ خانى نیوز راگههاند: پشت راست نهبوونا وان ژ ئارامییێ بوویه ئهگهرێ هندێ كو دلێ خهلكێ كاكهیی ب ئاڤهدان كرن و ئاڤاكرنا خانییان خۆش نینه، چونكى دهڤهر و گوندێن وان هاتییه بێ بهشكرن ژ خزمهتگۆزارییان.
ناڤهاتى گۆت ژى: داعشێ دهمێ گوندێن وان داگیركرین، وێرانكارییهكا زۆر ل دووڤ خوه هێلا، خانیێن وان خراپكرن و مهزارێن وان یێن ئۆلى ژى وێرانكرن، لێ تا نها نه حكومهتا ئیراقێ و رێكخراوێن ناڤدهولهتى ژ بۆ نووژهنكرنا مهزارێن ئایینى و قهرهبووكرنا خهلكێ زیانڤێكهفتى هیچ هاریكاریا وان نهكریه، بهلكو ئهو مهزارێنم كو هاتینه نووژهنكگرن ژى، ههموو ل سهر كیسـێ خهلكێ كاكهیی ب خوه بوویه.
دهێته زانین داعشێ ل سالا 2014 هژمارهكا گوندێن كاكهیی ل سنورێ دهشتا مووسلێ داگیر كرن و مهزارێن وان یێن ئایینى وێران كرن و خانى و مال و مولكێ وان خراپكرن، ژ وان مهزارێن داعشێ وێرانكرین (باوه یادگار، بابه حهیدجهر، شاهـ ئهلیاس، سهید قهمبهرلاى شاهۆیی) بوون.
خانى نیوز، ویداد ئهمین
