چار تاوەرێن دى ل دهۆكێ دێ هێنه‌ ئاڤاكرن

سکرتێرێ رۆژنامەڤانیێ پارێزگەرێ دھۆکێ، ئاشکراکر کو پشتی کۆمبوونا لژنا تاوەران ل پارێزگەھا دھۆکێ ب دووماھی ھاتی، ژ سەرجەمێ شەش تاوەرێن ھاتینە پێشکێشکرن چار تاوەر ھاتنە پەسەندکرن.
مللەت عسمەت، سکرتێرێ رۆژنامەڤانیێ پارێزگەرێ دھۆکێ بۆ خانی نیۆز ئاشکراکر کو ئەڤرۆ رۆژا سێ شەمبی 16-3-2021 پارێزگەرێ دھۆکێ د. عەلی تەتەر سەرپەرشتیار كۆمبوونا لژنا تاوەران ل پارێزگەھا دھۆکێ کر، د کومبوونێ دا گەنگەشە ل سەر رەوش و دانانا تاوەران ھاتەکرن.
مللەتی دیارکر ژی کو دکۆمبوونێ دا ھەلسەنگاندنا پرۆژه‌یێن تاوەران یێن پێش وەخت ھاتینە پەسەندکرن و وەرگرتنا مولەتان و چاوانییا قوناغێن جێبەجێکرنێ و ئەردێن دەوروبەر و ئەردێن تاوەران ب تێر و تەسەلی ھاتنە بەحسکرن.
ئەو ژی گۆت: ئەو پرۆژە ھاتنە پێشکێشکرن بۆ لژنا تاوەران و دانو ستاندن ل دۆر ھاتنەکرن و ژ کۆما شەش پرۆژه‌یان كو ھاتینە پێشکێشکرن، چار پرۆژه‌یێن تاوەران ھاتنە پەسەندکرن و دوو ژی ھاتنە پاشخستن بۆ دووبارە پێدا چوون و ھەلسەنگاندنێ.

خانی نیوز، سالار محەمەد دۆسکی