مەسرور بارزانی سەرۆکێ حکومەتا هەرێما کوردستانێ، پێشوازی ئەڤڕۆ چوارشەمبى 2021-3-17 پێشوازی ل ڤێسا هاکین باڵیۆزێ فینلاندا ل ئیراقێ کر.
د دیدارەکێ دا گۆتوبێژ ل سهر پەیوەندیێن فینلەندا ل گەڵ ئیراقێ و هەرێما کوردستانێ و چارەسەرکرنا ئاریشەیێن د ناڤبهرا هەرێما کوردستانێ و حکومەتا فیدراڵ دا ل سەر بنەمایێ دەستوور و پشکا هەرێما کوردستانێ د بودجەیا فیدراڵا ئیراقێ بۆ ساڵی 2021 کرن.
باڵیۆزی فینلاند، سوپاسییا وهلاتێ خوە گههاند، بۆ ڕۆڵێ هەرێما کوردستانێ ل بەرهنگاربوونا تیرۆرێ و تێکشکاندنا داعشێ، و بەردەوامییا پشتهڤانییا فینلەندا ژى بۆ هەرێما کوردستانێ دووپاتکر.
سەرۆکێ حکومەتێ، سوپاسی و پشتهڤانییا فینلەندا ل هەرێما کوردستانێ کر و هیڤى خواستن، پەیوەندیێن د ناڤبهرا هەردوو لایان دا، زێدهتر گەشە بكهت و بهرفرههتر لێبهێت، ب تایبەت ژى د بوارێ وەبەرهێنانێ و سەرمایەگوزارێ دا.
هەڵبژارتنێن داهاتیێن ئیراقێ و گرنگییا جێبەجێکرنا ڕێککەڤتننامەیا شنگالێ و دەرخستنا میلیشات و هێزێن چەکدارێن نهیاسایی ل دەڤەرێ و بزاڤێن ڕووبڕووبوونا پەژیكا کۆرۆنایێ ل هەرێما کوردستانێ، چەند تەوەرێن دی یێن دیدارێ بوون.
