نێچیرڤان بارزانى، سەرۆکێ هەرێما کوردستانێ ئەڤڕۆ چوارشەمبى 2021-3-17 پێشوازى ل بەڕێز سۆزۆکى کۆتارۆ باڵیۆزى ژاپۆنێ ل ئیراقێ کر.
سەرۆک نێچیرڤان بارزانى سوپاسیێن هەرێما کوردستانێ بۆ حکومەت و گەلێ ژاپۆنێ دووپات کره‌ڤه کو هەرده‌م د چوارچووڤێ هه‌ڤکارییان بۆ ئیراقێ، هاریكارییا هەرێما کوردستانێ دایه و ساڵانێن درێژ ژى ئاژانس و ڕێخکراوێن نه‌حکومیێن ژاپۆنێ ل هەرێما کوردستانێ کاردكرن و ب ئەنجامدانا کار و پرۆژەێن خزمەتگوزارى د بوارێن ئاڤ و کارەبا و گه‌له‌ك لایه‌نێن دى هه‌ڤکاریىا هەرێما کوردستانێ دکەن، هه‌روه‌سا به‌حسێ په‌ژیكا كۆرونایێ و هه‌ره‌شه‌یێن تیرۆرێ، و ره‌وشا نافخۆییا هه‌رێما كوردستانێ و چه‌ندین پرسێن جهێ گرنگیدانا هه‌ڤپشك، هاتنه گۆتوبێژكرن.
باڵیۆزێ ژاپۆنێ ل ئیراقێ، ستایشا هەرێما کوردستانێ کر، کو فاکتەره‌کێ گرنگ یێ سەقامگیریێنه ل ده‌ڤه‌رێ، جەخت ژى ل گه‌شه‌پێدانا زێده‌ترا پەیوەندیێن وه‌ڵاتى و بەردەوامبوونا پشته‌ڤانیێ ل حکومەتا هەرێما کوردستانێ کر، ب تایبەتی بوارێ وەبەرهێنانا ژاپۆنێ ل هەرێمێ. باڵیۆزێ ژاپۆنێ، سوپاسییا حکومەتا هەرێما کوردستانێ ژى کر بۆ ئەوێ هه‌ڤکاریێ و ئاسانکارییا پێشکەشی ئاژانس و ڕێکخراوێن نا حکومییا ژاپۆنێ ل هەرێمێ دکه‌ت.
د كۆمبوونێ دا کو خاتوو ناگایاما یۆشیکۆ بەرپرسا نڤێسینگەها کۆنسولگەرییا ژاپۆنێ ل هەولێرێ ئامادە ببوو، و ره‌وشا ئاوارە و پەنابەران گۆتوبێژكر و هەردوولا هه‌ڤبۆچوون بوون کو دڤێت ئاوارە ب خواست و ئارەزووییا خوه ڤه‌گه‌رنه‌ڤه جهێن خوه پشتى كو ئارامى و خزمه‌تگوزارى و ده‌رفه‌تێن كارى بۆ بهێنه دابینكرن.
