بۆ ئیكه‌مین جار‌ ژنه‌ك دبیتە سەرۆکا تەنزانیا

پشتى دو رۆژان ژ مرنا جۆن پۆمبی جۆسێف ماگوفولی، سەرۆکێ تەنزانیا، بریارە سامیە حەسەن جێگرا وى وەکو سەرۆکا وى وه‌لاتى سوووندا قانونى بخۆت، ب ڤێ چه‌ندێ دێ بیتە ئیکەمین ژن د مێژوویا تەنزانیا دا، پشتى سەربەخۆبوونێ ل سالا 1961، ببیتە سەرۆکا وى وه‌لاتى.  

سامیە سولوهو حەسەن ل سالا 2015 بوویه‌ جێگرا سەرۆكێ تەنزانیا، ل دووڤ قانوونا وى وه‌لاتى ل ده‌مێ مرنا سەرۆکى یان ژى دوورخستنا وى، جێگر دێ جهێ وى گریت.

سامیە حەسەن، د ژیێ 61 سالییێ دایه‌ و موسولمانە، ل سالا 2015 وه‌كو جێگرا سەرۆکێ تەنزانیا دەستبکار بوویه‌ و دهێته‌ پێشبینى كرن خولا دویێ یا دەستهه‌لاتا ماگوفولی تەمام بكه‌ت.

سامیە ل گەل حافز ئەمیر هه‌ڤژینى کرییە، كو ئەفسەره‌كێ خانه‌نشین كرییه‌، سێ كور و كچه‌ك هه‌نه‌.