ب ههلكهفتا هاتنا جەژنا نەتەوەییا نەورۆزێ پیرۆزباهیێ ل خێزانێن سەربەرزێن شەهیدان و پێشمەرگەێن قارەمان و هەموو چین و تهخێن خەڵكێ كوردستانێ دكەم. پیرۆزباهیێ ل هەموو گەلی كورد ل پارچەیێن دیێن كوردستانێ و سەرانسەری جیهانێ دكەم. پیرۆزباهیێ ل هەموو ئەوان نەتەوهیان دكەم كو نەورۆز پشكهكن ژ كلتوور و دابونەریتێن وان.
بۆ گەلێ كوردستانێ نەورۆز ژبلى هاتنا بوهارێ و نووبوونا سروشتی، رامانا ئازادیخوازی و سەرهەلدانێ دژی ستەمكاران د دهت، كورد د نەورۆزێ دا سەرهەلدان كرییه، بۆ هندێ ژ بندەستیێ رزگاربن و ئازادیێ ب دەستڤه بینن. گییانێ سەرهەلدانێ و ئازادیخوازییا كوردان ل ههر ژ كهڤندا هەبوويە و نووكه ژى هەر هەیە و هەتا بندەستی و ستەمكاری هەبێت ژى هەر دێ بهردهوامى ههبیت.
هەردەم مه پێخۆشە و مه دڤێت ئاریشێن خوه دگهل ئیراقێ ل سهر بنچینهیا شهراكهتێ چارهسهربكهین، گەلێ كوردستانێ ل سەر بنەمایا ئێكهتییا ئارەزوومەندانە د ئیراقێ دا شەریكە. لادانا بنەمایێن و ئێكهتییا ئارەزوومەندانە و ب كارئینانا زمانی زۆرینە و كەمینە و كولتووری خوەسەپاندن، ب پشت راستى ئاریشان چارەسەر ناكهت.
