نێچیرڤان بارزانی ب هەلکەڤتا هاتنا جەژنا نەورۆزێ پەیامەک بەلاڤکر و راگەهاند: نه‌ورۆز هێمایا سه‌ركه‌ڤتن و ژيان و ئازاديیا گه‌لێ كورده
ئەڤە ژی دەقێ پەیاما وی یە:
كوردستانيێن خۆشتڤى:
جه‌ژنا نه‌ورۆز و سه‌رى ساڵا نوویا كوردان ل خێزان و كه‌سوكارێن سه‌ربه‌رزێن شه‌هيدان و ئه‌نفالكرییان، گه‌لێ كورد و هه‌موو كوردستانيي له وه‌ڵات، ل هه‌ر جهه‌كێ بن، ل پێشمه‌رگه‌ێ قاره‌مان و هێزهێن ئه‌منى، به گه‌رمى و لژ دڵ پيرۆزباهیێ لێ دكه‌م، ل وان هه‌موو گه‌ل و وه‌ڵاتان ژى پيرۆز بێت كو جه‌ژنا نه‌ورۆزێ دگێڕن، هه‌موو ساڵه‌ك به خۆشى بیت.
پيرۆزباهییا تايبه‌ت، سوپاس و پێزانين بۆ هه‌موو تيمێن پزيشكى و ساخله‌میێ و هه‌موو ئه‌وان لايه‌نهێن په‌يوه‌نديدار كو بۆ ساڵا دووێ خوه ته‌رخانكرینه بۆ به‌ره‌نگاربوونێ ژ په‌ژیكا كۆڤيدى نۆزده و گيان و سه‌لامه‌تيا هاووڵاتييان د‌پارێزن. ئه‌وان خزمه‌ته‌كا مه‌زن دكه‌ن.
سوپاس و ده‌ستخۆشى بۆ پێشمه‌رگه و ئاسايش و زێره‌ڤانى و هه‌وار هاتن و هه‌موو ئه‌وان یێن جێبه‌جێكرنا ڕێكارێن خۆپاراستنێ دا د هه‌ڤكار و پشته‌ڤانن.
نه‌ورۆز جه‌ژنا پيرۆزا نه‌ته‌وه‌يیه و هێماىا سه‌ركه‌ڤتن و ژيان و ئازاديیا گه‌لێ كورده. ساڵ و ده‌ستپێكه‌كا نوویه، وه‌ك هه‌رده‌م ئومێد و هێزێ پێد‌به‌خشێت، بلا ئه‌م هه‌موو ل ده‌ستپێكا نوودا ئه‌م پێداچوونێ د خوه دابكه‌ین، مفایى ژ خه‌له‌تێن خوه یێن بورى وه‌ربگرین و د به‌خشنده و لێبورین بین ب ئومێد و ب گه‌شبینى به‌ره‌ڤ ئاینده‌كا گه‌شتر بچین، و هه‌موو شیان و هێزا خوه رێكبخین و پێكڤه كاربكه‌ین و مل ب مل ئه‌وا ئاسته‌نگان ده‌ربازبكه‌بن.
هه‌ر ب ڤێ هه‌لكه‌فتێ داخوازێ ژ هه‌وه‌لاتێن ئه‌زیز دكه‌م كو ل گه‌شت و سه‌یرانان دا هه‌موو رێكارێن خوه پاراستنێ و یاساێن هاتن و چوونێ ب ته‌مامى ل به‌رچاڤ وه‌ربگرن و خوه و سرۆشتێ جوانێ كوردستانێ ب پارێزن، و خودایێ مه‌زن كوردستانێ و كوردستانییان ب پارێزیت، و جه‌ژنا نه‌ورۆزێ ل هه‌وه هه‌موویالن پیرۆز بیت و هه‌لكه‌فتێن داهاتى ژى د ره‌وشه‌كا باشتر دا بگیرن.
