<h3 style="text-align: justify;"><span style="font-size: 18pt;">وهزیرێ ساخلهمییا ئیراقێ راگههاند؛ سوبه كاروانێ ئێكێ یێ ڤاكسینێ كۆڤاكس دێ گههیته ئیراقێ و دێ هێته بهلاڤكرن.</span></h3> <h3 style="text-align: justify;"><span style="font-size: 18pt;">حهسهن تهمیمى، وهزیرێ ساخلهمییا ئیراقێ د پرێسكۆنفرانسهكى دا راگههاند؛ سوبه كاروانێ ئێكێ یێ ڤاكسینێ كۆڤاكس دێ گههیته ئیراقێ كۆ پیشتر ژ بهر چهند ئهگهران گههشتنا وى گیرۆبوویه.</span></h3> <h3 style="text-align: justify;"><span style="font-size: 18pt;">گۆت ژى، ژبلى رێكهفتنێ دگهل كۆمپانیا كۆڤاكس، وان رێكهفتن دگهل كۆمپانییا فایزهر ژى كرییه ژبۆ دابینكرنا 3 ملیۆن قۆرچێن ڤاكسینێ كۆرۆنایێ و بریاره ل مهها نیسانا ئهڤساله بگههیته ئیراقێ.</span></h3> <h3 style="text-align: justify;"><span style="font-size: 18pt;">ئاشكهرا ژى كر، كێشهیا گیرۆبوونا گههشتنا ڤاكسینى یا جیهانییه نهك بتنێ ل ئیراقێ ههیه، بهلكو داخوازییهكا مهزن یا وهلاتێن جیهانێ بۆ ڤاكسینى ههیه و ئهڤه ژى بوویه ئهگهرێ وێ یهكێ كۆمپانى نهشێن د دهمهكێ كورت دا ڤاكسینى بگههیننه وان وهلاتان یێن داخوازكرین.</span></h3> <h3 style="text-align: justify;"><span style="font-size: 18pt;">ل 3ى مهها ئادارا ئهڤساله كاروانی ئێكێ یێ ڤاكسینێ سینۆفارم2 یێ چینى گههشته ئیراقێ كو 50 هزار قۆرچێن ڤاكسینى بوون.</span></h3>
