ب خهم و كۆڤانهكا مهزنڤه مه نووچهیێ وهغهركرنا (سابر مستهفا) راگههاندكارێ دێرینێ دهڤهرا بههدینان و كادرێ دلسۆزێ ناڤهندا مه یا رهوشهنبیرى و راگههاندنێ بهیست. ب ڤێ ههلكهڤتێ ئهم وهكو ناڤهندا خانى یا رهوشهنیبرى و راگههاندنێ سهرهخۆشیێ ل كهس و كار و دۆست و ههڤالێن خودێ ژێرازى و ههموو مهدیاكار و رۆژنامهڤانێن دهڤهرێ دكهین.
رۆژنامهڤان سابر مستهفا ههر ژ دهستپێكا دامهزراندنا تێلهڤزیۆنا دهۆك ل سالا 1992 رۆلهكێ دیار د بزاڤا راگههاندنێ دا ل دهڤهرا بههدینان ههبوویه، ئهوى ب رێكا بهرنامهیێن خوه شیایه روویهكێ جوانێ ڤێ دهڤهرێ د شاشهیا دهۆك تیڤى دا نیشان بدهت، ههروهسا د گهلهك قۆناغێن كارێ خوه دا، كارێن مرۆڤایهتى ب رێكا بهرنامێن خوه ئهنجامداینه.
ریك و رێبازا مهدیایی یا رۆژنامهڤان سابر مستهفا دێ ل ناڤهندا خانى یا رهوشهنبیرى و راگههاندنێ بهردهوام بیت، ژ خودایێ مهزن دخوازین گیانێ وهغهركرى ب بههشتا خوه یا بهرین شاد بكهت و سهبر و ههدارێ ژى بدهته كهس و كار و دۆست و ههڤالێن وى و ههمى رهوشهنبیر و میدیاكارێن دهڤهرێ.
