ریال مەدرید گرێبەستا مه‌زن ئێكلا كر

راپۆرتێن رۆژنامەڤانی یێن ئیسپانی، به‌حسێ هندێ دكه‌ن، كو یانا ریال مەدرید ل گەل ئێرلینگ هالاندی ستێرا نەرویجی یێ یانا بروسیا دۆرتموند یا ئەلمانی گەهشتییە رێککەفتنا دووماهیێ و ل هاڤینا بهێت ئه‌و یاریزانه‌ دێ یاریێ ل سانتیاگۆ بێرنابیۆ كه‌ت.  

هه‌روه‌سا دیار كرییه‌، گرێبەستا هالاندى ل گەل ریال مەدرید ب شێوەکێ پراکتیکی ب دووماهى هاتییە و ئەو یاریزانە ل هاڤینا بهێت دێ بەرامبەر  150 ملیۆن یۆرۆیان چیته‌ رێزێن یانەیا شاهانە یا ئیسپانی.
هنده‌ك ژێده‌رێن رۆژنامه‌ڤانى دبێژن، مەرجێ سزادانێ بۆ هەلوەشاندنا گرێبەستا هالاندى ل گەل بروسیا دۆرتموند 75 ملیۆن یۆرۆنە، بەلێ هه‌تا به‌رى هاڤینا 2022 نه‌شێن کارى ب  وى مه‌رجى بكه‌ن.
 
ریال مەدرید ل سەر ب دەستڤه‌ئینانا شیانێن ئێرلینگ هالاندى، د رکابەرییەکا ب هێزدابوو ل گەل چەندین یانێن مه‌زن یێن ئەورۆپا، یێن وه‌كو یانێن بارسێلۆنا ئیسپانی و هەرسێ یانێن مانچستەر یونایتد، مانچێستەر سیتی و چێلسی یێن ئینگلیزى.