سه‌عداوی: دبیت بهایێ دۆلارى به‌رامبه‌ر 130 هزار دیناران بهێته‌ جێگیركرن

ئه‌ندامه‌كێ لژنا دارایی ل جڤاتا نوونه‌رێن ئیراقێ راگه‌هاند: وه‌زاره‌تا دارایی یا رژده‌ ل ‌سه‌ر هندێ كو بهایێ دینارى به‌رامبه‌ر دۆلارى بلند نه‌كه‌ت و د ده‌مه‌كێ دا بانكا ناڤده‌وله‌تى رێگریێ ناكه‌ت.

عه‌بدولهادی سه‌عداوی، گۆتییه‌ ژى، دبیت ب راوێژێ ل گه‌ل بانكا ناڤه‌ندی یا ئیراقێ، بهایێ دۆلارى به‌رامبه‌ر 130 هزار دینارێن ئێراقی بهێته‌ جێگیر كرن، ئه‌ڤه‌ دێ یا په‌سه‌ند كرى بیت.

ئه‌و ژى دیار كرییه‌،‌ داكه‌فتنا بهایێ دینارێ ئێراقی به‌رامبه‌ر دۆلارێ ئه‌مریكی، زیان گه‌هاندییه‌ وه‌لاتییان و نوكه‌ بانكا ناڤده‌وله‌تی یا نه‌رازی نینه‌ ژ گوهۆرینا بهایێ دینارى به‌رامبه‌ر دۆلارى، به‌لێ وه‌زاره‌تا دارایی یا ئێراقێ هێشتا یا رژده‌ ل سه‌ر هندێ كو وى بهایى نه‌ گهۆریت.