هێزێن ئەمریكا ل گه‌ ل یێن سێ وه‌لاتان دێ مانۆرەكا سەربازی ئەنجام دەن

ئاژانسا ئەسوشێدت پرێس دیار كرییه، كو ‌هێزێن دەریایی یێن وه‌لاتێن ئێكگرتى یێن ئەمریكا ل گەل یێن وه‌لاتێن بەلجیكا و فرەنسا و ژاپۆنێ دێ مانۆرەكا سەربازی ل رۆژهەلاتا ناڤین دا ئەنجام دەن.

هه‌روه‌سا گۆتییه‌، ئه‌و مانۆرا سەربازی یا ئه‌مریكا ل گه‌ل وان هه‌رسێ وه‌لاتان دێ ل كەنداڤێ عومانێ بیت، ئه‌و ژى دیار كرییه‌، كو هەر ئێك ژ گەشتییا شارلی دیگۆل یا فرەنسی و گەشتییا (یو ئێس ئێس ماكین) یا ئەمریكی و گەشتییا لیپۆلدی یا سەربازی یا بەلجیكی و گەشتییا (جی ئێس ئاریاكی) یا شه‌رى یا ژاپۆنی ل گەل فرۆكێن شەركەر یێن هەر چار وەلاتان دێ پشكداریێ د وێ مانۆرا سه‌ربازى د ا كه‌ن.