ڕاگەهاندنەك ژ ڕێڤەبەرییا ڕەوشەنبیری و هونەری ل ئاکرێ

راگەهاندنەک ژ رێڤەبەرییا رەوشەنبیری و هونەری ل ئاکرێ کو کوپیەک ژوێ تایبەت بو خانی نیوز هاتیە هنارتن. 

ئەڤە ژی دەقێ راگەهاندنێ یە:

نەورۆزا ئاکرێ.
نه‌ورۆزا ئاكرێ یا بوویه‌ ئێك ژ سومبولێن هه‌ره‌ گرنگ ل هه‌رچوار پارجێن كوردستانێ, كۆ ب ئاوایه‌كێ جودا ژ باژێرێن دى یێن كوردستانێ ئاگرێ نه‌ورۆزێ ل جیایێن ئاكرێ یا پایته‌ختێ نه‌ورۆزێ دهێته‌ هه‌لكرن، هه‌ر سال ل رۆژا 20/3ێ هژماره‌كا به‌رچاڤ یا كوردستانى و نه‌ورۆزڤانان سه‌ره‌دانا باژێرێ ئاكرێ دكه‌ن و سال بۆ سال ئه‌ڤ هژمارا نه‌ورۆزڤانان به‌ر ب زێده‌بونێ ڤه‌ د چیت.
ئه‌ڤ ساله‌ژى پشتى چه‌ندین كۆمبون ب سه‌رپه‌رشتیا رێزدار(مازن محمد سه‌عید) ده‌ڤه‌ردارێ ئاكرێ هاتینه‌ ئه‌نجامدان ل دۆر هه‌لكرن ئاگرێ نه‌ورۆزێ ل ئاكرێ، بریار هاته‌دان كۆ ئه‌ڤ ساله‌ژى رێڤه‌به‌ریا ره‌وشه‌نبیرى و هونه‌رى ل ئاكرێ ب سپونسه‌ریا كومپانیا (MRF) وه‌ك سومبۆل ئاگرێ نه‌ورۆزێ ل بلنداهیێن ئاكرێ بهێته‌ هه‌لكرن و یاریێن ئاگرێ ل گوره‌پانا سه‌رێ گرى یهێنه‌ ب كارئینان.

رێڤه‌به‌ریا ره‌وشه‌نیرى ل ئاكرێ ژ لایێ ده‌ڤه‌رداریا ئاكرێ هاته‌ سپاردن كۆ سه‌رپه‌رشتیا نه‌ورۆزا ئاكرێ یا سالا 2021ێ وه‌ك هه‌ر سال بكه‌ت ب سپونسه‌ریا كومپانیا (MRF).ل ده‌سپێكێ مه‌ دڤێن سوپاسیا رێزدار (مه‌سعود حجى زبێر) رێڤه‌به‌رێ كومپانیا (MRF) كو سپونسه‌رێ نه‌ورۆزا ئاكرێ بوویه‌.
نه‌ورۆزا سالا 2021ێ چه‌وا هاته‌ ئه‌نجامدان:
1.ماوێ (40) رۆژان تیمه‌ك هاتبو پێك ئینان بۆ روهنكرنا كه‌لها كه‌ڤن و كانیزه‌رگ و به‌روكا سه‌یداى و تیشێ خرگا و سه‌رێ بێوكا ئاكرێ تا سه‌رێ گرى ب رۆناهیه‌كا سه‌رده‌مانه‌.
2.تیمه‌كێ بیانى هاتبو ئاماده‌كرن بۆ په‌قاندنا یاریێن ئاگرى ل سه‌رێ گرى كۆ ئه‌ڤ تیمه‌ بۆ ماوێ (5) رۆژان ل سه‌رێ گرى كاردكر تا رۆژا 20/3
3.ئاگرێ نه‌ورۆزێ ب ڤى ئاوایى هاته‌ هه‌لكرن:
* تیشێ خرگا، گرۆپێ سیپه‌ یێ خۆبه‌خش ل ئاكرێ كۆ كومه‌كا گه‌نجایه‌ هه‌رسال د ئه‌ركێ هه‌لكرنا ئاگرێ نه‌رۆزێ رادبن د ئه‌ڤ ساله‌ژى دا هژماره‌كا به‌رچاڤ یا خه‌تیرێن ئاگرێ دروستكربون رابوون ب هه‌لكرنا ئاگرێ ل تیشێ خرگا.
* كه‌لا كه‌ڤن، گرۆپێ پێشمه‌رگه‌ و گروپێ كه‌لها كه‌ڤن، كومه‌كا گه‌نجێن خوینگه‌رم وه‌ك هه‌رسال رابوون ب هه‌لكرنا ئاگرێ نه‌ورۆزێ ل كه‌لها كه‌ڤن و هژماره‌كا به‌رچاڤ یا خه‌تیرێن ئاگرێ دروستكرن كه‌لها كه‌ڤن رۆهنكر ژ خه‌تیرێن ئاگرێ نه‌ورۆزێ.
*گروپێ مریدێن بارزان، كۆ هه‌رسال كومه‌كا گه‌نجێن ئاكرێ رادبن ب هه‌لكرنا ئاگرێ نه‌ورۆزێ و چه‌ندین چالاكیێن دى ل سه‌رێ گرى، لێ ئه‌ڤ ساله‌ ژ به‌ر قه‌ده‌غه‌كرنا گوره‌پانا سه‌رێ گرى د ئه‌ڤ ساله‌دا وان گه‌نجان هژماره‌كا خه‌تیرێن نه‌ورۆزێ كو د بیته‌ ئێكم جاره‌ ل ره‌زێ میرى هه‌لكرن و به‌ره‌ڤ كولانێن ئاكرێ ب رێكه‌فتن.
*گرۆپێ كه‌لێ، كۆ ئێكه‌م گورۆپ دهێته‌ ناسكرن بۆ هه‌لكرنا ئاگرێ نه‌ورۆزێ پشتى سه‌رهه‌لدانا گه‌لێ كورد د ئه‌ڤ ساله‌ژى دا كۆمه‌كا گه‌نجێن خۆینگه‌رم خه‌تیرێن ئاگرێ به‌ر ب كه‌لها دێرین ڤه‌ برن و هژماره‌كا خه‌تیران ل سه‌رێ كه‌لهێ هه‌لكرن.
*گورپێ توفان، كۆ هژماره‌كا گه‌نجێن خۆ به‌خشن هه‌ر سال ل گرێ تۆپا ئاكرێ نه‌ورۆزێ هه‌لدكه‌ن، ئه‌ڤ ساله‌ژى كومه‌كا گه‌نجێن خوینگه‌رم هژماره‌كا به‌رچاڤ یا خه‌تیرێن ئاگرێ نه‌ورزێ هه‌لكرن و به‌ر ب گرێ توپا چون.
*كومه‌كا گه‌نجێن خوبه‌خش و خوین گه‌رم ئه‌ڤ سال ل شێخماڤێ هژماره‌كا به‌رچاڤ یا خه‌تیرێن ئاگرێ نه‌ورۆزێ هه‌لكر0
د ئه‌ڤ ساله‌دا ئالایێ كوردستانێ ل (گرێ توپا ب په‌بارێ 6م و كه‌لها ئاكرێ 60م و ل كه‌لها كه‌ڤن 60م) ژ لایێ گه‌نجێن ئاكرێ هاتنه‌ هه‌لدان.

بناڤێ رێڤه‌به‌ریا ره‌وشه‌نیبرى و هونه‌رى ل ئاكرێ سوپاسێن خۆ ئاراسته‌ى ڤان لایه‌نان دكه‌ین كو هاریكار و پشته‌ڤان بوینه‌ بۆ سه‌ر ئێخستنا نه‌ورۆزا ئاكرێ.

• رێزدار (مازن محمد سه‌عید) ده‌ڤه‌ردارێ ئاكرێ سه‌رپه‌رشتێ گشتى یێ نه‌رۆزا ئاكرێ یا سالا 2021 و هاریكارو پشته‌ڤان بۆیه‌ بۆ وێ پلانا هاتیه‌ دارشتن ژ لایێ رێڤه‌به‌ریا ره‌وشه‌نبیرى و هونه‌رى ل ئاكرێ.
• ناوچێ ئاكرێ یێ پارتى دیموكراتى كوردستان.
• گرۆپێن هه‌لكرنا ئاگرێ نه‌ورۆزێ (كه‌لێ، كه‌لاكه‌ڤن، پێشمه‌رگه‌، مریدێن بارزان، سیپه‌، توفان، بارزان) ته‌ڤایا گه‌نجێن هه‌لگرێن خه‌تیرێن نه‌ورۆزێ ل ئاكرێ.
• رێڤه‌به‌ریا كاره‌با ئاكرێ.

• بزاڤا رەوشەنبیری ل ئاكرێ.
• سه‌رۆكاتیا باژێرڤانیا ئاكرێ.
• رێڤه‌به‌ریا پولیسێن ئاكرێ.
• رێڤه‌به‌ریا ئاسایشا ئاكرێ.
• رێڤه‌به‌ریا هاتن و چونێ ل ئاكرێ.
• رێڤه‌به‌ریا ساخله‌میا ئاكرێ.
• رێڤه‌به‌ریا به‌رگرى شارستانى ل ئاكرێ.
• رێڤه‌به‌ریا گه‌شت و گوزارێ ل ئاكرێ.
سوپاسیه‌كا تایبه‌ت بۆ ته‌ڤ كه‌نالێن راگه‌هاندنێ كۆ رۆمالا نه‌ورۆزا ئاكرێ ل رۆژانێن ده‌ستپێكێ تا هه‌لكرنا ئاگرێ نه‌ورۆزێ دكر.

كاوه‌ زوهێر
رێڤه‌به‌رێ ره‌وشه‌نبیرى و هونه‌رى ل ئاكرێ