ژوورا بازرگانییا ئەمریکا پێشنیار بۆ بایدن دکه‌ت هه‌ڤکارییا گازا هەرێمێ بکه‌ت

ژوورا  بازرگانییا ئەمریکا و جڤاتا بازرگانییا ئەمریکا – ئیراق، پێشنیاره‌كا نوو خستییه‌ بەردەم ئیداره‌یا جۆ بایدن، سەرۆکێ ئەمریکا بۆ کارکرنا راستەوخوه‌ ل گەڵ حکومەتا ئیراقێ و حکومەتا هەرێما کوردستانێ ب  تایبەتی گه‌شه‌كرنا کێڵگەیێن گازا سرۆشتی

ژوورا بازرگانییا ئەمریکا پێشنیار دکه‌ت، ئەمریکا ل هه‌یڤا نیسانێ ل گەڵ دەستپێکرنا دیالۆگا ستراتیژیدا گرنگی ب چوار بواران بده‌ت، کو پێكهاتییه‌ ژ هه‌ماهه‌نگییا دارایی و ئابووری، کو چاکسازییا سیستەمێ بانکا ئیراقێ ب خوه‌ڤه‌ بگریت، هه‌ڤپشككرنا ئیراقێ د ده‌ربازكرنا ره‌وشا کۆرۆنایێ و دەستپێکرنا دیالۆگا یا ساخله‌م، هه‌ڤکاریکرنا ئیراقێ بۆ سەربەخوه‌یێ ژ بەدەست ڤه‌ئینانا غازێ و کارەبێ، هەروەسا پشته‌ڤانییا گەشەییا ئابووری ل زۆنێن تایبەتێن ئابووریدا.

 ژ وێ پێشنیارا چوار خاڵییا ژوورا بازرگانیدا ئاماژە  ب هندێ هاتییه‌ كرن، د چوارچووڤێ کۆمبوونا بانکا جیهانی و سندوقا ناڤدەوڵەتیا  دراڤی دا کو هه‌یڤا داهاتى دێ ب رێڤه‌چیت، جڤاتا بازرگانیا ئەمریکا- ئیراق ئیڤێنتا تایبەت ب هه‌ماهه‌نگییا ئەمریکا و ئیراق ب پشكدارییا بەرپرسێن ئیراقێ رێکدئێخیت، کو تێیدا وەزیرێ دارایێ ئیراقێ ژى بۆ ئەو ئیڤێنتە دێ هێنه‌ داخوازكرن. 

ژ وى كارێ هه‌ڤپشكێ ژوورا بازرگانییا ئه‌مریكا و جڤاتا بازرگانییا ئه‌مریكا ئیراق پێشنیار كرییه‌، ئه‌و ژى پێكهاتینه‌ ژ هه‌ڤكارییا راسته‌وخوه‌ یا ئه‌مریكا بۆ چاكسازیێ ل سیسته‌مێ بانكى ل ئیراقێ ب بانكێن ئه‌هلى و حكومى، هه‌روه‌سا داخوازیێن هوویرناڤده‌وله‌تى بۆ سیسته‌مێ بانكا حكومیا ئیراقێ دكه‌ت. 

ئێك ژ پێشنیارێن ژوورا بازرگانىیا ئه‌مریكا و جڤاتا بازرگانییا ئه‌مریكا ئیراف دبێژن پێدڤییه‌ ئه‌مریكا هه‌ڤكارییا گه‌شه‌پێدانا ژێده‌رێن گازا سرۆشتییا حكومه‌تا هه‌رێما كوردستانێ و ئیراقێ بكه‌ت، بۆ هندێ وه‌لات ژلایێ به‌رهه‌مێ گازێ ل سه‌ر پێن خوه‌ ب راوه‌ستیت.