بالیۆزێ ئێراقێ ل قەتەر: قەتەر دێ کۆنسولخانەیا خوه‌ ل هه‌ولێرێ ڤه‌كه‌ت

بالیۆزێ ئێراقێ ل قەتەر راگەهاند: دەولەتا قەتەرێ بریار دایە کۆنسولخانەیا خوه‌ ل هەرێما کوردستانێ ڤه‌كه‌ت.  

شێخ عومەر بەرزنجی، بالیۆزێ ئێراقێ ل قەتەر گۆت: ئه‌ڤرۆ پشتى نیڤرۆ دێ محه‌مه‌د بن عه‌بدولره‌حمان ئالسانی گه‌هیته‌ هه‌ولێرێ.

ناڤهاتى گۆت ژى: ئه‌ڤرۆ وەزیرێ دەرڤه‌ یێ قەتەر دێ گه‌هیته‌ هەولێرا پایته‌خت و دێ ل گەل سەرۆکێ هەرێما کوردستانێ و سەرۆکێ حکومەتا هەرێما کوردستانێ كۆم بیت.

عومه‌ر بەرزنجی گوت ژى: کۆنسولخانا قەتەر دێ هێته‌ ڤه‌كرن و من ژى كار د ڤى بابه‌تى كرییه‌.

هه‌تا نوكه‌ 41 کۆنسولخانە و نوونەرایەتی و نڤێسینگەهێن کۆنسولخانا و بازرگانیێ یێن وه‌لاتان ل هەرێما کوردستانێ هاتینه‌ ڤه‌كرن، ب ڤه‌کرنا کۆنسولخانا قەتەر، دێ بیته‌ هەشتەمین وه‌لاتێ عه‌ره‌بى، كو نوونەرایەتییا خوه‌ ل هەولێرێ ڤه‌كه‌ت.