ژ ئەنجامێ پێلا باران بارینا شەڤێدی ل باتیفا یا سنورێ قەزا زاخۆ ئاستێ ئاڤا خابووری نێزیکی دوومەتران بلندبوویە و ب ڤێ چەندێ زیان گەهاندییە جهێن گەشتیاری .
ماهر ئیبراهیم ژگوندێ گوفکێ خودانێ جهەکێ گەشتیاری یە بۆ خانی نیوز دیار کر کو پرانییا کەپرێن بۆ هاڤینا هاتینە دروستکرن ب مەرەما جهێن گەشتیارا ژ ئەنجامێ لەهیێن بارانا شەڤێدی گەلەک جهێن گوزاری هاتینە خرابکرن و ئاڤێ دگەل خوە برینە و ب ڤێ چەندێ زیانەکا مەزن ب خودانێن پڕۆژێن گەشتیاری کەفتییە ، هیڤییە جهێن پەیوەندیدار ب تایبەت ڕێڤەبەرییا گەشت و گوزار دهانا وان زیان ڤێ کەفتین بچیت و بهێنە قەربوکرن.
ل دور قەرەبوویا جهێن زیان ڤێ کەفتین خانی نیوز پەیوەندی ب ڕێڤەبەرییا گەشت و گوزارا زاخۆ کریە، بێوار سندی وەک بەرپرسێ ڕاگەهاندنێ گۆت هەر پڕوژەکێ گەشتیاری زیان پێ کەفت بیت دشێت ب رێکا جهێن پەیوەندیدار داخازا قەرەبووکرنێ بکەت وەکو گەشت و گووزارا زاخۆ ل دووڤ ڕێنما دێ هاریکاربین و داخوازیێن وان بلند کەین.
خانی نیوز، نزار مەجید
