جاره‌كا دى ئەردۆغان وه‌كو سەرۆکێ ئاکه‌پێ هاته‌ هه‌لبژارتن

د حەفتەمین کۆنگرێ ئاكه‌پێ دا، ره‌جه‌ب ته‌یب ئه‌ردۆغان، وەکو سەرۆکێ ئاکه‌پێ هاته‌ هه‌لبژارتن و د وى كۆنگره‌ى دا، گۆتاره‌ك پێشكێش كر و گۆت: وان سەرجەم نەیارێن تورکیا شكاندینه‌، ل سه‌ر هه‌موویان ژى پەکەکە شکاندییه‌ و نوكه‌ ئه‌و نه‌شێن د ناڤا سنۆرێن وه‌لاتێ وان دا كریاران بكه‌ن.  

 د حەفتەمین کۆنگرێ گشتی یێ ئاکه‌پێ دا كو ل هۆلا وەرزشی یا ئەنقەرە هانه‌ سازكرن، پشتى هه‌لبژارتنا وى وه‌كو سه‌رۆكێ ئاكه‌پێ، ئەردۆغانى د گۆتاره‌كێ دا گۆت، سۆزی دده‌ت ب هه‌مان ئاستێ دلسۆزیێ به‌رده‌وام بیت.
سەرۆکكۆمارێ تورکیا و سەرۆکێ گشتی یێ ئاکه‌پێ گۆت ژى: د هێلا ئه‌سمانی دا وان پێشکەفتنه‌كا به‌رچاڤ ب ده‌ستڤه‌ ئینایه‌، هه‌ژمارا فرۆکخانان ژ 26 گه‌هاندینه‌ 56 فرۆکخانه‌یان.

میدیایێن تورکیا به‌رى دەستپێکرنا وى کۆنگرەى به‌لاڤكربوو، دێ ئەندامێن کۆنگرەى دەنگى دەن بۆ دوباره‌ باوه‌رى پێدانێ ب رەجەب تەیب ئەردۆغانى، كو خوله‌كا دى تر ژى ببیته‌ سەرۆکێ ئاکه‌پێ.