خواندنا بلند: حه‌فتییا بهێت دێ خواندن زانکۆ و پەیمانگەهان دەستپێكه‌ت

په‌یڤدارێ وەزارەتا خواندنا بلند و ڤه‌كۆلینین زانستى راگەهاند، رۆژا شەمبیێ 27 ئادارا 2021، دێ پرۆسەیا خواندنێ ل زانکۆ و پەیمانگەهێن هەرێما کوردستانێ دەستپێكه‌ت.
عەباس ئەکرەمى گوت ژى، پرۆسا خواندنێ ل زانکۆ و پەیمانگەهان ل هەرێما کوردستانێ (حکومى – تایبەت) ل ده‌ستپێكا حەفییا بهێت دێ ل رۆژا شەمبیێ 27 ئادارێ ب پابەندبوون ب سالناما زانکۆیێ دەستپێكه‌ت.
ئه‌و ژى گۆتییه‌، بۆ پاراستنا  پرۆسەىا خواندنێ، وەزارەتا خواندنا بلند و ڤه‌كۆلینێن زانستى ب ئه‌گه‌رێ به‌لاڤبوونا په‌ژیكا كۆرۆنایێ بریارا پەیرەوکرنا سیستەمێ خواندنا ئاوێتە دایە وەکو پێدڤییه‌كا سەردەم و هه‌ڤشێوەیێ زۆربەىا زانکۆیێن جیهانى، ڤى سیستەمى سەرکەفتنه‌كا بەرچاڤ ل نازڤەندێن خواندنێ ل زانکۆ و پەیمانگەهان ب دەستڤه‌ ئینایه‌.