ژئەنجامێ شێلیبونا زێدەیا ئاڤێ ب سەدەمێ بارانێن 24 دەمژمێرێن بوری دا پرۆژێ ئاڤا ئامێدیێ راوەستییا.
باوەر مەجید بەرپرسێ راگەهاندنا ئاڤا دەوروبەرێن پارێزگەها دهۆک بۆ خانی نیوز راگەهاند: ژئەگەرێ بارانێن زۆر و لافاوان کو بلندبوون و شێلیبوونا ئاڤێ سەرهلدایە کارێ پرۆژێ ئاڤا ستراتیژییا ئامێدیێ راوەستییا ، لەورا ئاگەهدارییا
هەڤوەلاتیێن (ئامێدیێ، شێلادزێ، سیریێ، قەدش، سەرسنک، سیلاڤ، گوندێن دەوروبەردکەین) ئابوریێ د مەزاختنا ئاڤێ دا بکەن بۆ دەمەکێ نەدیار تاوەکو بلندبوون و شێلاتی د ئاڤێ دا نەمینیت پرۆژە بکەڤیتە کاری ڤە.
ل دووڤ سیستەمێ کارکرنا پرۆژەی ئەگەر رێژا شێلیبوون د سەر هزارێ دا بیت پرۆژە کار ناکەت د نوکە دا بۆ حەفت هزار تاوەکو هەشت هزار ئاستێ شێلیبوونا ئاڤێ لێهاتییە و پرۆژە راوەستایە.
پرۆژێ ئاڤا ئامێدیێ شیان ههنه 2400 مترێن سێ جاركی یێن ئاڤێ د سهعهتهكێ دا پالدهت و پتر ژ 75 هزار كهسا ژ کۆمەلگەها سیریێ تاوەکو ناوچەدارییا سەرسنک ل سنورێ دەڤەردارییا ئامێدیێ مفای ژێ وهردگرن درێژییا پرۆژهی 119 كم پروژێ ئاڤا ئامێدیێ ل سەر رووبارێ زێ مەزن ل دێرەلۆک ژێدەرێ ئاڤا وێ ل وەلاتێ تورکیایە.
