رێڤەبەرێ فەرمانگەھا ژینگەھا دھۆکێ دیاركر، ئەڤ سالە ههمبهر سالێن بووری رەوشەنبیریا خەلکێ مە باشتر بوویە ل سەر پاقژراگرتنا جھێن گەشتیاری، مە پلانەک ھەیە ل گەل باژێرڤانیێ بۆ پاقژکرنا ئەوان جھێن پیس بووی.
دلشاد عەبدولرحمان محەمەد، رێڤەبەرێ فەرمانگەھا ژینگەھا دھۆکێ بۆ خانی نیۆز گوت: رۆژێن نەوروزێ رێڤەبەرییا ژینگەھێ زەرفێن نایلونی دابهشكرن ل سەر وهلاتییان ئەوێن قەستا جھێن گەشتیاری دکرن و گەلەک رێنما و ئامۆژگاری داینە وهلاتیان.
دلشاد عەبدولرحمان محەمەد گۆت: پێگێرییا خەلکی ب رێنمایێن ژینگەھێ ئەڤ سالە باشتربوو و ھەمان دەم ھندەک جهـ ھەبووینە وەلاتی پێگیر نەبووینە و بەرمایکێن خۆ ل جھێن گەشتیاری ھێلاینە.
رێڤەبەرێ فەرمانگەھا ژینگەھێ زێدەتر گۆت: مە پلانەک دگەل باژێرڤانیێ دێ ھەبیت بۆ رۆژانێن داھاتی ل دهربارهى پاقژکرنا بەرمایکێن گلێشی ئەوێن ل جھێن سەیرانیان ماین.
