ئاڤا سكرێ دهۆكێ زێده‌ بوویه‌‌

د دو رۆژێن باران بارینێ دا نێزیكی 20 سه‌نتیمێن ئاڤێ ل سكرێ دهۆكێ زێده‌كرینه‌ كو دبنه‌  نێزیكی 5 ملیۆن مه‌ترێن سێجا یێن ئاڤێ.

عه‌بدولقادر محه‌مه‌د، رێڤه‌به‌رێ سكرێ دهۆكێ ب وه‌كاله‌ت دیاركر، به‌ری بارانێن دو رۆژێن بووری‌ نێزیكی 65 ژ سه‌دێ كو دبنه‌ 34 ملیۆن مه‌ترێن سێجا یێن ئاڤێ د ناڤ سكرێ دهۆكێ دا و ب گشتى دبنه‌ 52 ملیۆن مه‌ترێن سێجا یێن ئاڤێ.

رێڤه‌به‌رێ سكرێ دهۆكێ ب وه‌كاله‌ت گۆت ژى: پشتى باران بارینێن دو رۆژێن بوورى نوكه‌ نێزیكی 40 ملیۆن مه‌ترێن سێجا یێن ئاڤێ دناڤ سكرێ دهۆكێ دانه‌ و دیاركر ژی، هه‌كه‌ 15 ملیۆن مه‌ترێن سێجا یێن دی هاتنه‌ سه‌ر سكرێ دهۆكێ دێ 100 ژ سه‌دێ تژى ئاڤ بیت و دێ بیته‌ ئه‌گه‌رێ ئاڤرابوونێ ل گه‌لیێ دهۆكێ و گۆت ژی: به‌رده‌وام بزاڤان دكه‌ن نێزیكی ئیك مه‌ترا ئاڤێ ژ سكرى یا كێم بیت داكو زیان به‌ر ب گه‌لیێ دهۆكێ نه‌كه‌ڤن.

خانى نیۆز: ئاریان به‌روارى