جه‌مال كۆچه‌ر: په‌یام نه‌ یا ربع الله یه‌ به‌لكو یا ئیرانێ یه‌

ل دور گه‌فێن ئه‌ڤرۆ یێن ربع الله و نه‌دانا بودجێ بۆ هه‌رێما كوردستانێ، جه‌مال كۆچه‌ر بۆ خانى نیوز گۆت: ربع الله (نه‌ ربع الله) یه‌، به‌لكو ئیرانه‌.

ئه‌ندامێ جڤاتا نوونه‌رێن ئیراقێ بۆ خانی نیوز گۆت: ئه‌وا ئه‌ڤرو رووداى ل به‌غدا وێ چه‌ندێ دیار دكه‌ت كو ده‌ستهه‌لاتا ده‌وله‌تێ یا لاوازه‌ و ئه‌م نه‌شێین بێژین كو ئه‌ڤان گروپان كۆنترۆلا به‌غدا كریه‌ لێ دشێین بێژین كو ئه‌ڤ گروپه‌ د بالا ده‌ستن لسه‌ر ده‌وله‌تێ.
ژ ئالیه‌كێ دیڤه‌ یا ئه‌ڤرۆ رووداى كو د به‌یانا خوه‌ دا گروپێ ربع الله دبێژیت، نابیت پشكا هه‌رێمێ د بودجێ دا بهێته‌ دان- وێ یه‌كێ دگه‌هینیت كو ئه‌وان دڤێت هه‌رێما كوردستانێ بێخنه‌ بن فشارێن زێده‌تر لێ دڤێت هه‌رێم گوهداریا وان نه‌كه‌ت.

جه‌مال كۆچه‌ر گۆت ژى: لڤینێن ب ڤى ره‌نگى كارتێكرنا خوه‌ دێ هه‌بیت لێ نه‌ ل وى ئاستى كو رێككه‌فتن بهێته‌ هه‌لوه‌شاندن.

ل دۆر روونشتنا روژا شه‌مبیێ یا جڤاتا نوونه‌رێن ئیراقێ جه‌مال كۆچه‌ر دیاركر، ب چ ره‌نگان من باوه‌رى نینه‌ روونشتن بهێته‌ ئه‌نجامدان ژ به‌ركو ناكۆكى یێن دناڤبه‌را ئالیێن سیاسیى یێن ئیراقی دا و كورد كارته‌كا لاوازن، ئانكو نه‌ ژبه‌ر كوردان و پشكا بودجێ وان روونشتن برێڤه‌ ناچت.

ل داویا ئاخڤتنێن خوه‌ جه‌مال كوچه‌ر باس ل ئالیێن كوردستانی و ئیراقى دكه‌ت و ئاماژه‌ دكه‌ت كو سه‌در و پارتا دیموكراتا كوردستانێ گه‌له‌ك نزیكی یه‌كن.