ربع الله: ده‌مێ بڕینا گوهێ كازمى هاتییه‌

پشتى كو سه‌رۆك وه‌زیرێن ئیراقێ بریار داى ئه‌و گروپێن ب گۆتنا وى ره‌وشا وه‌لاتێ ئیراقێ تێك دده‌ن، باره‌گایێن وان بهێه‌ داخستن و فه‌رماندارێن وان بهێنه‌ ده‌سته‌سه‌ر كرن و ل گۆره‌ى یاسایێ سه‌ره‌ده‌رى دگه‌ل بهێته‌ كرن، كو ربع الله، ئێك ژ ئه‌وان گروپان بوو كو به‌رییا چه‌ند رۆژان ب فه‌رمانا كازمى باره‌گایێن وان هاتینه‌ داخستن و چه‌ندین فه‌رماندارێن وان هاتینه‌ ده‌سته‌سه‌ركرن، ئه‌ڤرۆ سپێدێ گروپێ ربع الله كه‌فتینه‌ دناڤا جاده‌یێن به‌غدا دا و درویشمێ، ده‌مێ بڕینا گوهێ كازمى هاتیه‌.

ژێده‌ره‌كى ژ هه‌والگێریا ئیراقێ تایبه‌ت بۆ خانى نیوز گۆت: ئه‌م پێشبینیا وێ چه‌ندێ دكه‌ین ره‌وش لناڤا به‌غدا زێده‌تر تێك بچیت، ژ به‌ركو نه‌ ئه‌ڤ گروپه‌ بتنێ یه‌ گه‌له‌ك گروپێن دیتر كو ب گوتنا كازمى – ئاریشه‌یان بۆ وه‌لاتى دروست دكه‌ن-  باره‌گایێن وان بهێنه‌ گرتن و فه‌رماندارێن وان ل گۆره‌ى یاسایێ سه‌ره‌ده‌رى دگه‌ل بهێته‌ كرن.