رێڤینگ هرۆری: پرۆسا چاکسازیێ د ناڤ رێزێن پێشمەرگەی دا بەردەوامە

سەرۆکێ لیژنا پێشمەرگەی ل پەرلەمانێ کوردستانێ دیارکر، پرۆسا چاکسازیێ پرۆسەییەکا بەردەوامە، د ناڤ قانوونا چاکسازیێ دا چەند خالەک گرێدای پێشمەرگەی ھەبوون، نھا کار ل سەر دھێتە کرن.

رێڤینگ ھرۆری، تایبەت بۆ خانی نیوز دیارکر، د وێ قانوونێ دا ھاتییە ھەموو ئەو پێشمەرگێن خانەنشین پێدڤییە بھێنە پۆلین کرن، شەھید و بریندار و پەککەفتیێن سەنگەری و نە سەنگەری بھێنە پۆلین کرن، ئەڤە پرۆسەکا درێژە و پێدڤی ب دەمی ھەیە.

ھرۆری گۆت ژی: د ڤێ قانوونێ دا چەند وەزارەتەک پێڤە د مەعنی نە، ژ وانا ژی وەزارەتا دارایی و پێشمەرگە و وەزارەتا شەھید و ئەنفالکرییان، و یەکەییەکا ژمێریاری بۆ وان ھاتییە دروستکرن و ب مخابنی ڤە ئەو خالە گریدایی وەزارەتا پێشمەرگەیی ھند پێشڤە نەچووینە.

دیارژی کر، ھەر چەندە ھندەک لژنە ھاتینە دروستکرن بۆ پێشمەرگەیێن خانەنشین و پلە بلندکری و پەککەفتیێن سەنگەری، بۆ ئەوێن ژ ھەژی و نە ژ ھەژی دیاربکەن.

ھرۆری گۆت: ئەو وەک پەرلەمان چاڤدێرییا ڤێ پرۆسێ دکەن و بریارە ل گەل وان لژنا کۆم بن و بزانن کا کارێ وان گەھشتییە کیش قۆناغی.

خانی نیوز، کاروان باعەدری