فەرماندارەکی لەشکەری لە شنگالێ بۆ خانێ نیوز ددەتە دیارکرن، ڕەوش ل شنگالێ ئالۆزە دناڤبەرا لەشکەرێ ئیراقێ و هێزێن سەر ب پەکەکێ ڤە، و ئاگاهییان ددەت و دبێژت: ڕەنگە ”هێز” بهێتە بکارئینانن.
حەیدەر شەشۆ، فەرماندارێ هێزا پاراستنا ئێزیدخانێ یە، ددەتە خویاکرن، بریاربوو هەتا ئێکی ١ـی هەیڤا ٤ دووماهیک مۆلەت بیت بۆ هێزێن سەر ب پەکەکێ ڤە، بەلێ وەک زانیاریان ئەڤرۆ سوپایێ ئیراقێ دایە دیارکرن دووماهی مۆلەتە، ژبەر هندێ ژی سوپایێ ئیراقێ هندەک ڕێ یین سەرەکی د شنگال دا گرتینە ل دژی هێزێن پەکەکێ.
شەشۆی، ئاماژەدا، ئەگەر ڕەوش ب ڤی ئاوایی بیت و هەتا سەرێ هەیڤا ٤ پەکەکە شنگالێ ب جهـ نەهێلیت دبیت د ناڤبەرا هەردوو ئالییان دا هێز بهێتە بکارئینان.
بەریا نها هێزێن ئیراقی هاتبوونە شنگالێ ب مەبەستا دەرکرنا پەکەکێ د بەرامبەر دا دووهی ڕیڤەبەرییا خۆسەرا شنگالێ ئەوا ژ ئالیێ پەکەکێ ڤە هاتییە ئاڤاکرن، راگەهاند، ئەو ژ شنگالێ دەرناکەڤن.
سوپایێ ئیراقێ ژی ل سەر هندێ ڕژدە ئەو هێزێن سەر ب پەکەکێ ڤە ب ئاسایش و یەپەژێ ڤە دڤێت د شنگالێ دا نەمینن، و دڤێت هێزێن یاسایی شنگالێ ب ڕێڤەبە ببەن.
ئێک ژ خاڵێن ڕیککەفتنا هەولێر و بەغدا ل دۆر شنگالێ ئەوە دڤێت هێزین نە یاسایی د شنگالێ دا نەمینن، بەلێ د بەرامبەر دا هێزێن نایاسایی خوە ب سەر شنگاڵێ دا گرتینە.
خانی نیوز، کاروان باعەدری
