رێڤەبەرێ ئۆفیسا دهۆکێ یا ھەلبژارتنێن عیراقێ، ئاشکراکر کو ب تنێ شەش رۆژ ماینە دێ کار تۆمارکرنا ئاواران راوستیت، ماوێ حەفتییەک سەردانێن خەلکی و ئاوران بۆ بنگەھێن دەنگدانێ کێم بووینە.
خالد عەباس عومەر، رێڤەبەرێ ئۆفیسا دھۆكێ یا ھەلبژارتنێن ئیراقێ بۆ خانی نیوز ئاشکرا کر کو ھەتا ئهڤرۆ ٢٥/٣/٢٠٢١ ل سەرانسەری پارێزگەھا دھۆکێ ٧٥ ھزار ئاواره ھاتینە تۆمارکرن، کار ل ١٥ کەمپێن پارێزگەھا دھۆكێ ب دووماھی ھاتییە، ھەموو کارێ کومسیوونێ کەفتیە سەر ئاوارا و ھەر ٤١ بنگەھێن کومسیوونێ ل گەل ٤١ تیمێن ھاتینە دروستکرن کار دکەن بۆ تۆمارکرنا ئاواران.
ناڤبری گۆت: سەرهدانێن خەلکی بۆ بنگەھێن دەنگدانێ گەلەک کێمبوویە ب گشتی چ ئاوارە یان دەنگدەرێ گشتی و ئەڤە بۆ ماوێ حەفتیەکێ و ئهڤ چەندە ژی بۆ چەند ئهگەران ڤەدگەریت، کۆڕۆنا زێدە بوویە و خەلک د ترسیت و بھێنەدان بوویە و بەرامبەر رۆژانە بنگەهـ د ڤەکرینە ژ ھەشتی سپێدێ ھەتا سێ ئێڤاری و بێ بهێنڤهدان، رێکەفتی ٣١/٣/٢٠٢١ تۆمارا بایۆمەتریێ دھێتە راوستاندن و ھەکە دەم نەھێتە زێدەکرن رەنگە کارێ ئاواران بھێتە راوستاندن.
رێڤەبەرێ کۆمسیۆنا بلند یا سەربەخویا ھەلبژارتنان ل ئیراقێ تایێ دھۆک گۆت ژی: تۆمارا بایۆمەتریێ ل سەرانسەری پارێزگەھا دھۆکێ گەھشتیە ٧٠% و رێژا دابەشکرنا کارتێن بایۆمەتریێ ٩٣% یە ل سەرانسەر پارێزگەھێ.
زێدەتر گۆت: بەری دوو حەفتییان ٤٨ گرێبەست ل دھۆکێ ھاتنە وەرگرتن ئهوێن خزمەتا وان دوو سال و زێدەتر، ھەر بنگەھەکی چار فەرمانبەر تێدا کار دکەن، پێشتر مە کار ل گەل پەروەردێ ھەبوو و ژ دایک بوویێن ٢٠٠١ و ٢٠٠٢ و ٢٠٠٣ ھەتا ٤٠ ھزار کەسان ھاتبوونە تۆمارکرن و ھەتا ٤٠ ھزارێن دی ماینە و حەفتییا داھاتی دێ کۆمبوون مە ل گەل زانکۆیا دھۆکێ ھەبن کو تیمێن کۆمسیۆنێ سەرهدانا ھەمی زانکۆیا بکەن بۆ تۆمارکرنێ دا ماف ھەبیت پشکداربن ل ھەلبژارتنان دا.
