ئەڤرۆ د کۆنگرەیەکێ ڕۆژنامەڤانی دا ل ڕێڤەبەرییا گشتی یا گەشت و گۆزارێ ل پاڕێزگەها دهۆکێ د. خێری علی ئوسو رێڤەبەرێ گشتی یێ گەشت و گۆزارێ ئامارێن ڕۆژانێن نەورۆزێ یێن گەشتیاران دیارکرن.
د. خێری علی راگەهاند، وان وەکی رێڤەبەرییا گشتییا گەشت و گۆزارێ پێشبینیا هاتنا 15 هزار گەشتیاران کربوو بۆ پارێزگەها دهۆکێ ، لێ ل ڕۆژا 18-3 تا 25-3 نزیکی 19 هزار گەشتیاران سەرەدانا پارێزگەها دهۆکێ کربوون, کو پتر ژ 12 هزارا ل ناڤەراست و خوارویا ئێراقێ و 7 هزار گەشتیار ژی ل باکورێ کوردستانێ هاتبوون.
خێری عەلی گۆتژی، وان پازدە تیم پێک ئینابوون ل سەر قەزایێن ب سەر پاڕێزگەها دهۆکێ ڤە بۆ پێشوازییا گەشتیاران، و دابەشکرنا کەرەستێن پێدڤی بۆ پاراستنا ژینگەهێ.
ئەویەکژی دیارکر، وان ل بەرە بۆ پتر پێشخستنا کەرتێ گەشت و گۆزارێ چەندین کۆمپانیێن عیراقی و یێن باکورێ کوردستانێ دگەل چەند کەنالەکا بیننە پارێزگەها دهۆکێ و کۆنفرانسه‌كێ بۆ دروستکرنا رێکلامێن گەشت و گوزارێ سازبكه‌ن.
ناڤبری گۆتژی، ل پاڕێزگەها دهۆکێ نزیکی 900 بنگەهـێن گەشتیاری یێن هەین و نزیکی 250 جهێن سروشتی یێن هەین.
