سەنتەره‌كێ بازرگانی یی ئسپانی دێ ل هەرێما كوردستانێ هێته ڤه‌كرن.
وەزارەتا بازرگانی و پیشەسازییا هه‌رێمێ ئەڤرۆ رۆژا ئێكشه‌مبى راگه‌هاند، شانده‌كێ بالیۆزخانا ئسپانیا ل بەغدا و هه‌ژماره‌كا كۆمپانیێن وى وه‌لاتى سه‌ره‌دانا وان كرییه، مه‌ره‌م ژى ژ وێ سه‌ره‌دانێ راگەهاندنا فه‌رمى یا ڤه‌كرنا ئۆفیسا سەنتەرێ بازرگانی یێ ئسپانی ل هەولێرێ، كو ل ڤێ حه‌فتیێ دێ دەست بكار بیت.
وەزارەتا بازرگانی و پیشەسازییا هه‌رێمێ ئاشكرا كر، سەنتەرێ بازرگانی یێ ئسپانی ب فەرمی مۆله‌تا كاركرنێ ژ وەزارەتا بازرگانی و پیشەسازی وەرگرتییه، بریار ژى دایه كو ئەجندایا كاركرنا وان یا تایبەت بیت ب دروستكرنا پره‌كا بازرگانی د ناڤبه‌را هەرێما كوردستانێ و ئسپانیا دا.
نوكه ل هەرێما كوردستانێ ب شێوەكێ فه‌رمى پتر ژ 40 سەنتەرێن بازرگانی هەنه، ل گەل چەندین نڤێسینگه‌هێن هه‌ڤپشك یێن كۆمپانیێن بیانى كو كار د بازرگانییا هه‌ڤپشك و ڤه‌ژاندنا كەرتێ چاندنێ و بازرگانیێ دكه‌ن.
