په‌روین بۆلدان: كۆده‌تا ل دژى هه‌ده‌پێ دهێته‌كرن

هه‌ڤسه‌رۆكا پارتییا دیمۆكراتیك یا گه‌لان راگه‌هاند، پرسا داخستنا هه‌ده‌پێ كۆده‌تایه‌ ل دژى سیاسه‌تا كورد و دیمۆكراتییه‌تێ ل توركیا.

جڤاتا ژنان یا هه‌ده‌پێ ب سه‌رۆكاتییا په‌روین بۆلدان ل ئه‌نقه‌ره‌ ل دژى داخستنا پارتییا خوه‌ خرڤه‌بوون و ئه‌و بریاره‌ ب بریاره‌كا سیاسى ب ناڤكر.

په‌ روین بۆلدان، هه‌ڤسه‌رۆكا هه‌ده‌پێ د پرێس كۆنفرانسه‌كى دا راگه‌هاند؛ ده‌ستهه‌لاتێ دڤێت سیاسه‌ت و هه‌لبژارتنێن بهێن یێن توركیا بێ هه‌ده‌پێ بهێنه‌كرن ژبه‌ركو ئه‌و دزانن ئه‌گه‌ر هه‌ده‌په‌ هه‌بیت ئه‌و نه‌شێن ل هه‌لبژارتنێن بهێن سه‌ربكه‌ڤن.

گۆت ژى: داخستنا هه‌ده‌پێ گورزه‌كێ مه‌زنه‌ بۆ مافێن گه‌لێ كورد و دیمۆكراسیه‌تێ ل توركیا و ئه‌و ده‌ستبه‌ردارى هه‌ده‌پێ نابن و دێ ب هه‌موو ره‌نگان پارێزن.

حكومه‌تا توركیا دۆزگه‌رێ گشتى راسپاردییه‌ كو دۆسه‌یا داخستنا هه‌ده‌پێ ڤه‌كه‌ت، دۆسه‌یا هه‌ده‌پێ ژ 609 لاپه‌ران پێكدهێت و ل دۆزگه‌رییا گشتى یا توركیا هاتییه‌ ئاماده‌كرن و تێدا هه‌ده‌په‌ ب بانگه‌شه‌ و هاریكاریكرنا په‌كه‌كێ دهێته‌ تۆمه‌تباركرن.