هه‌ڤپه‌یمانییا ناڤده‌وله‌تى هاتنا هێزێن سەربازی بۆ ئیراقێ‌ ره‌ت دكه‌ن

هەڤپەیمانییا ناڤدەولەتی یا شه‌رێ دژى داعشێ داخویانییەك دەرباره‌ى‌ هاتنا هێزێن زێدەتر بۆ ئیراقێ‌ بەلاڤكر‌ و راگه‌هاند‌، ئەو نووچەیێن بەحسێ هاتنا هێزێن شەركەر بۆ ئیراقێ‌ دكەن دوورن ژ راستییێ‌، هه‌موو هێزێن هه‌ڤپه‌یمانییا ل دژى داعشێ ئه‌وێن ل ئیراقێ، ئەركێ‌ وان راهێنانا هێزێن ئیراقى یه‌ و دیسان كارێ شیره‌تكاریێ دكه‌ن و ل گه‌ل سوپایێ ئیراقێ ئۆپەراسیۆنێن هەڤپشك دكه‌ن.    

دوهی میدیایێن ئیراقى‌ بەلاڤكربوو، كو هێزەكا شەركەر یا سەربازی یا ویلایه‌تێن ئێكگرتی یێن ئەمریكا گەهشتیە فرۆكخانا هەولێری ل هەرێما كوردستانێ‌، له‌وما هه‌ڤپه‌یمانییا ناڤده‌وله‌تى ئه‌و داخویانییه‌ به‌لاڤكرییه‌.