وه‌زاره‌تا ساخله‌میا هه‌رێما كوردستانێ، ئه‌ڤرۆ 28-3-2021ێ راگه‌هاند، وان گاڤێن باش بۆ رێككه‌فتنێ دگه‌ل دو كۆمپانییان بۆ به‌رهه‌مئینانا ڤاكسینێ كۆرۆنایێ هاڤێتینه.
د. سامان به‌رزنجى، وه‌زیرێ ساخله‌میێ، ئه‌ڤرۆ ل هه‌ولێرێ بۆ میدیاكاران راگه‌هاندن، بزاڤێن حكومه‌تا هه‌رێما كوردستانێ بۆ ب ده‌ستڤه‌ئینانا ڤاكسینى به‌رده‌وامن، په‌یوه‌ندیێن به‌رده‌وام ژى د گه‌ل كۆمپانییان هه‌نه و لێتێگه‌هشتنێن باش هه‌نه.
سامان به‌رزنجى گۆت ژى، رێككه‌فتنێن ده‌ستپێكى دگه‌ل دو كۆمپانییان هه‌نه، به‌لێ ئه‌ڤ رێككه‌فتنه پێدڤى ب ئیمزایا داویێ یه ژ بهایێ قۆرچان و ده‌م و چه‌وانییا هنارتنا ڤاكسینى و چ ئاماژه ب ناڤێن كۆمپانییان نه‌هاتنه دان.
