په‌ترۆلا ئیراقێ دێ رێککەفتەکێ ل گەل کۆمپانیەکا فرەنسی ئیمزا كه‌ت

وه‌زیرێ په‌ترۆلا ئیراقێ دیار كر، دێ رێککەفتنەکێ ل گەل کۆمپانیا تۆتال یا فرەنسی بۆ بەرھەمئینانا غازێ ئیمزا کەت، ده‌مێ ئه‌و رێككه‌فتنه‌ د كه‌ڤیته‌ د وارێ بجهئینانێ دا دێ رێژا ئینانا غازێ ژ ده‌رڤه‌ ب رێژا 50% بۆ ئیراقێ كێم بیت و ئه‌ڤه‌ ژى گاڤه‌كا باشه‌.
ئیحسان عەبدولجەبار گۆت: نوكه‌ ئه‌و دانوستاندنێ ل سەر ئیمزاکرنا وێ رێککەفتنێ ل گەل کۆمپانیا تۆتال یا فرەنسی بۆ به‌رهه‌مئینانا غازێ دكه‌ن، ئه‌و كۆمپانییه‌ دێ كێلگه‌هێن غازا ئیراقێ پێشئێخیت.  

ناڤهاتى گۆت ژی، ئه‌و رێککەفتنە دێ ل هه‌یڤا 7 هێته‌ ئیمزا کرن، ژ ئەگەرێ وێ رێککەفتنێ ئەڤ سالە دێ ئیراق پانزینێ و غازێ ژ ئیرانێ و چەند وەلاتێن دی ئینیت.