د رێورهسمهكێ ژ ههژى دا ب ههلكهفتا رۆژا جیهانى یا شانۆیێ ئهڤرۆ 27/3/2021 ل بهردهرگههێ چالاكیێن قوتابخانا پهرده ل سهر پهیكهرێ هونهرمهند غازى بامهرنى هاتهلادان.
نیاز نورى، نهقیبێ سهندیكا هونهرمهندێن كوردستانێ بۆ خانى نیۆز گۆت” ئهڤرۆ ب ئامادهبوونا وهزیرێ رهوشهنبیرى و لاوان وپارێزگهرێ سلێمانیێ پهرده ل سهر پهیكهرێ هونهرمهندێ خودێ ژێ رازى غازى بامهرنى هاتهلادان، هزرا دانا پهیكهرى ههر یا من بوویه و ئهڤ كاره هاته ئهنجامدان ب سپۆنسهرى یا كۆمهلگهها پهروهردهیى یا مارگرێت كو مهزاختى ب ستویێ خوه ڤه گرت بوو و ژلایێ هونهرمهند عومهر جهمال ڤه هاتبوو دروستكرن.
نیاز نورى ئهو ژى گۆت: غازى بامهرنى ل سالێن حهفتێیان پشتى دهرچوونێ ژ كۆلیژا هونهرى ل بهغدا قهستا سلێمانیێ كربوو و ل ڤى باژێرى ژیایه و فهرمانبهر بوو ههر ل ڤى باژێرى و گەلەک خزمهتا هونهرێ شانۆێ ل سلێمانیێ كریه وهك وهفاداریهك بۆ ڤى هونهرمهندى ئهڤ كاره بۆ هاتهكرن.
جهێ ئاماژهكرنێ یه كو هونهرمهند د. غازى بامهرنى ل سالا 1942 ل گوندێ بامهرنێ ژ دایك بوویه، خواندنا خوه یا سهرهتایى ل بامهرنێ و ئامادهیى ل ئامێدیێ ب دووماهى ئینایه، خواندنا كولیژێ ل بهغدا ب دووماهى ئینایه، پشتى دهرچوویى قهستا باژێرێ سلێمانیێ دكهت و دبیته ئێك ژ دامهزرێنهرێن شانوویا نوو، تاكه كهس بوویه ل فیستهڤالا كوردى خهلاتى وهرگریت، ماوێ چهندین سالان ل دهرڤهى وهلاتى ژیایه و دووڤ دا زڤریه كوردستانێ بوویه مامۆستایێ پشكا شانۆیێ ل كولیژا ئادابێ ل زانكۆیا دهۆكێ، رێكهفتى 15/12/2020 ل دهرڤهى وهلاتى وهغهردكهت و ل سهر وهسیهتا وى ل بامهرنێ دهێته ڤهشارتن.
خانی نیوز، سالار محەمەد دۆسکی
