ئیراق: دەستەیا ده‌ستپاكییێ گەندەلترین فەرمانگەهێن تاپۆیێ ئاشکرا كرن

دەستەیا دەستپاکییا ئێراقێ گەندەلترین فەرمانگەهێن تۆمارکرنا خانووبەران (تاپۆیێ) ل وى وه‌لاتى دا ئاشكرا كرن.  

ئەڤرۆ دوشەمبى 29-3-2021، دەستەیا ده‌ستپاكییا ئیراقێ د به‌یاننامه‌كێ دا دیار كرییه‌، د ده‌مێ سێ هه‌یڤان دا وان بۆچوونا 11 هزار وه‌لاتییێن سەره‌دانا 44 فەرمانگەهێن تاپۆیێن ئێراقی كرین وەرگرتینە، لدووڤ ئەنجامێن بۆچوونا وان وه‌لاتییان، ئاستێ گەندەلییێ و وه‌رگرتنا بەرتیلان ل وان فەرمانگەهان دیار کرینە.

هەروەکو د وێ بەیاننامێدا هاتى، زۆرترین رێژا گەندەلیێ و وەرگرتنا بەرتیلان ل فەرمانگەهێن تاپۆیا نەینەوا بوویە و کێمترین ژى ل فەرمانگەهێن تاپۆیا موسەننا بوویە.

ئاستێ گەندەلییێ و وەرگرتنا بەرتیلان ل فەرمانگەهێن تاپۆیێ ل ئێراقێ ل هەر 100 مامەیان ب ڤى ره‌نگییه‌:

– تاپۆیا لایێ راستێ یێ مووسل 51.9%

– تاپۆیا میسان 50.6%

– تاپۆیا دیوانییە 48.7%

– بەغدا/ بەیاع 44.2%

– بەغدا/ رەسافە (بەتاوین) 41.6%

– بەغدا/ کەرخا ئێكێ (مەنسوڕ) 41.4%

– بەغدا/ کەرخا دویێ (ئەلعامرییە) 40.1%

– بەغدا/ مەدائین 10.6%

– موسەننا حەزەر 1.2%

– موسەننا/ رومێسە 0.6%