بایدنى هەلویستێ خوه‌ ده‌ربارەی رێککەفتنا چینێ و ئیرانێ راگه‌هاند

سەرۆکێ ویلایەتێن ئێكگرتى یێن ئەمریکا راگەهاند، رێککەفتنا ستراتیژی و بازرگانی یا چینێ و ئیرانێ، كو دووهى هاتییه‌ ئیمزا كرن، بوویه‌ جهێ دلگرانییا ئه‌مریكا.  
جۆ بایدنى، د به‌رسڤا پرسیارا رۆژنامەڤانه‌كێ دا سەبارەت رێککەفتنا هه‌ڤکارییا ئابووری، بازرگانی و ستراتیژی یا دناڤبه‌را چینێ و ئیرانێ دا گۆت، ئه‌و رێككه‌فتنه‌ جهێ دلگرانییا ئه‌مریكایه‌.

 رۆژناما نیویۆرک تایمز یا ئەمریکی دیار كرییه‌، رێککەفتن هاتییه‌ كرن، چین دێ ب كوژمێ چار سەد ملیار دۆلاران وه‌به‌رهێنانێ ل ئیرانێ كه‌ت، هەروەسا ئەو دوو وه‌لاته‌ رێککەفتینه‌ هه‌ڤکارییێن سەربازی به‌رفره‌هتر لێ بكه‌ن، ئه‌و ژی د وارێ راهێنانێ و ڤه‌كۆلینێ و پێشخستنا چەکان و گوهۆرینا زانیارییان و هەوالگیریێ.