تورکیا: مه‌ بەرپرسێ گومرگا پەکەکێ ل قەندیلى کوشتییه‌

تورکیا راگه‌هاندییه‌، د هێرشه‌كا ئه‌سمانیدا بۆ سەر زالگه‌هه‌كا پەکەکێ ل قەندیلى، وان عومەر ئایدن، بەرپرسێ گومرگا پەکەکێ کوشتییە.

میدیایێن تورکیا به‌لاڤكرییه‌، د ئۆپەراسیۆنەکێ دا ب هه‌ڤبەشی د ناڤبه‌را وەزارەتا بەرگریا تورکیا و میتێ دا بوویە و د هێرشه‌كا ئه‌سمانی دا زالگه‌هه‌كا پەکەکێ کرییه‌ ئارمانج، كو ئێك ژ كوشتییان، عومەر ئایدن بەرپرسا گومرگا پەکەکێ بوویە.

کۆمیتەیا شەهیدێن پەکەکێ دیار كرییه‌، ل 2 شواتا 2021 دا ل هەرێمێن پاراستنا میدیایێ دا سۆپایێ تورکى هێرشه‌كا ئه‌سمانی ئەنجامدایه‌ و د وێ هێرشێ دا رێناس ئایدن (عومەر ئایدن)، زەردەشت کوردوان (ئیسماعیل کایا)، عەگید راپەرین (مەندوح یاردمجی)، مەزلۆم عەفرین (محەمەد عەبدۆ عەبدولمەنال حسێن عەبدۆ) شەهید بووینه‌”.