پڕۆژەیێ دروستکرنا یەکەیێن ئاکنجیکرنێ ل باژارێ زاخۆ بۆ کێم دەرامەتان ژلایێ وەزارەتا ئاڤەدانکرنێ ڤە هاتینەچێکرن ب کوژمێ 17 ملیار 178 ملیۆن و 141 هزار دینارێن ئێراقی 344 یەکەیێن ئاکنجیکرنێ ژلایێ دوو کۆمپانییا ڤە دهێنە دروستکرن.
دلشێر عەبدولستار هەرێمدارێ زاخۆ بۆ خانی نیوز گۆت: ل دوو جهان یەکەیێن ئاکنجیکرنێ بۆ کێم دەرامەتا هاتینە دروستکرن، پرۆژەیێ ئێکێ ژ 144 یەکەیێن ئاکنجیکرنێ پێک هاتییە ب ڕێژەیا 96% کار تێدا بەردەوامە و ل نێزیک دێ کەڤیتە د خزمەتا کێم دەرامەتان دا. ئەڤ پرۆژەیە ژ لایێ کۆمپانییا زانین دهێتە بحهئینان.
پڕۆژەیێ دوویێ پێکهاتییە ژ 180 یەکەیێن ئاکنجیکرنێ هەر بۆ کێم دەرامەتایە و ب ڕێژەیا 65% کار تێدا هاتییە کرن و بەردەوامە ژلایێ کومپانیا ئالان ڤە، هەرێمدارێ زاخۆ ئەو چەندە ژی دیارکر کو هەردوو پڕۆژێن ناڤهاتی ب کوژمێ 17 ملیار 178 ملیۆن و 141 هزار دینارێن ئێراقی ژلایێ وەزارەتا ئاڤەدانکرنێ ڤە هاتینە تەرخان کرن و هەتا ڕاددەیەکێ وەلاتیێن زاخۆ دێ ژ کرێداریێ قورتال بن.
خانى نیوز، نزارمەجید
