شانده‌كێ فیفایێ دێ هێته‌ به‌غدایێ

د دوو رۆژێن بهێت دا دێ شانده‌كێ ته‌پا پێى گه‌هیته‌ به‌غدا، دێ كۆمبوونێ دگه‌ل ده‌سته‌یا گشتییا ته‌پا پێ كه‌ت.

شانده‌كێ ئێكه‌تییا دوه‌لیا ته‌پا پێ (فیفا) خوه‌ به‌رهه‌ڤدكه‌ت داكو دوو رۆژێن بهێت بگه‌هیته‌ به‌غدایێ، و دێ كۆمبوونه‌كێ دگه‌ل ده‌سته‌یا گشتى یا ته‌پا پێى كه‌ت، كۆمبوون دێ ل سه‌ر سێ قوناغان دابه‌شكه‌ن، كو دێ كۆمبوونا ئێكێ دگه‌ل ئێكه‌تێن لقا بن و پاشى یانه‌یان و خولێن نایاب، و پاشى كۆمبوون دگه‌ل تیمێن پله‌ ئێك كو دێ وان مافێ ده‌نگدانێ بۆ هه‌لبژارتنێن داهاتى یێن نڤیسینگه‌ها جێبه‌جێكرنێ یا ئێكه‌تیا ته‌پا پێ.