سهرۆكوهزیرێن حكومهتا ههرێما كوردستانێ هۆشداری دا خهلكێ كوردستانێ و راگههاند؛ نها نه دهما سیاسهتكرنێ یه، مهترسییا مرنێ ل سهر ژیانا وهلاتییان زێدهبوویه.
مهسرور بارزانی، سهرۆكێ حكومهتا ههرێما كوردستانێ د تویتهكی دا هۆشداری دا خهلكێ كوردستانێ و راگههاند؛ كوردستانییان بهرپرساتییا ههڤپشك ل ههمبهر خوه و خێزانێن خوه ههیه ، مهسرور بارزانی د تویتێ خوه دا داخواز ژ خهلكی كرییه، ل جهێن گشتی ماسكان بكاربینن، دهستێن خوه بشۆن و خوه ژ قهرهبالهغ و خرڤهبوونێن مهزن بپارێزن.
سهرۆكوهزیرێن حكومهتێ ئاماژه ژی كرییه، نها نهدهما سیاسهتكرنێ یه ب كۆرۆنا، كهرتێ ساخلهمییێ دوباره ل ههمبهر تاقیكرنێ دا یه، مهترسییا مرنێ ل سهر ژیانا وهلاتییان زێدهبوویه و ههروهسا ئهو پێشكهفتنێن ڤان داویان د بهرههنگاربوونا كۆرۆنا دا ب دهستخستین، نها د مهترسیێ دانه.
مهسرور بارزانی، بلندبوونا بلهز یا رێژهیا توشبوون ب ڤایرۆسێ كۆرۆنا ل ههرێما كوردستانێ ب دلگرانی ب ناڤكر و دڤی دهمێ ههستیار دا داخواز ژ ههرچار پارێزگههێن ههرێمێ كر، بهرپرساتییا خوه ل بهرانبهر خهلكی بزانن و ههموو رێنمایێن ساخلهمیێ بجهبینن.
